ಸಂಚಯ ಕವನ ಸಂಕಲನ ( Sanchaya Kavana Sankalana )

#ನನ್ನವನು ಬಾಳ ಜ್ಯೋತಿಗೆ ತೈಲದಂತೆನ್ನವನು ಉರಿದು ಬೆಳಕೀವ ಬತ್ತಿ ನಾನು...! ಇಬ್ಬರ ಸಮರಸಕೆ ಬೆಳಕಾಯ್ತು ಜೀವನ ಅವನೊಲುಮೆಯಲಿ ಈ ಜೀವ ಪಾವನ..! ಆಗಸದಿ ಘನೀಭವಿಸಿದ ಮೇಘದಂತೆನ್ನವನು ಸುರಿದು ತಂಪೀವ ಮಳೆಯು ನಾನು..! ಒಲವ ಸಿಂಚನಕೆ ಹಸಿರಾಯ್ತು ಬಾಳ ಭುವಿ ತಳಿರೊಡೆದು ಬಾಳಾಯ್ತು ಹೊಳೆವ ಛವಿ..! ಖಗಪಕ್ಷಿಗಳಿಗೆ ನೆಳಲೀವ ವೃಕ್ಷದಂತೆನ್ನವನು ತಬ್ಬಿ ಹಬ್ಬಿ ಹರಡುವ ಬಳ್ಳಿ ನಾನು...! ಒಲವ ಸಾಂಗತ್ಯದ ಸುಮಘಮಲ ಕಂಪು ಭಾವ ರಸಧಾರೆಯಲ್ಲೆಮ್ಮ ಬದುಕು ಪೆಂಪು..! ಕಲ್ಪನೆಗೂ ನಿಲುಕದ ಘನ್ನ ಬದುಕಿತ್ತ ನನ್ನವನು ಸುಡು ಬಿಸಿಲಲ್ಲಿ ನೆರಳಂತೆ ನಿಂತು ತಾನು..! ಉಸಿರಲಿಲುಸಿರಾಗುತ ಬಾಳ ಹಸಿರಾಗಿಸಿದವ ಆ ದೇವ ಎನಗಿತ್ತ ವರವೇ ನನ್ನವ..!           ಶೈಲೂ.... (ಡಾ: B.N.ಶೈಲಜಾ ರಮೇಶ್)

sanchaya kavana sankalana ಭಾವನೆಗಳ  ಭಾವಗೀತೆ ******************** ಬರಿದೇ ನೆನಪುಗಳ ಸುಳಿಯಲ್ಲಿ ಸಿಕ್ಕಿ ಹುಡುಕಿ ತಡಕಾಡಿ ಅಕ್ಷರಗಳ  ಹೆಕ್ಕಿ ಮನದೊಳಗಿನ ಭಾವ ಪದಗಳಲಿ ತುರುಕಿ ಸುಖದುಃಖಗಳಲೆಯಲಿ ಮುಳುಗೇಳಿ ತೇಲಿ ಮನದೊಳಗಿನ ಪ್ರೀತಿಯನು ಮೊಗೆಮೊಗೆದು ನೀಡಿ ಸ್ನೇಹ ಕಾರಂಜಿಯ ರಸಧಾರೆ ಸಿಂಪರಿಸಿ ನೋವು ನಲಿವುಗಳ ಅಳೆದಳೆದು  ತೂಗಿ ತೋಚಿದ್ದನ್ನು ಗೀಚುವ  *ಸಂಚಯ ಕವನ ಸಂಕಲನವೇ*  ನನ್ನ ಭಾವನೆಗಳ  ಭಾವಗೀತೆ..!!          ಶೈಲೂ.....

#ನಕ್ಷತ್ರ_ಕವಿತೆ #ಶೀರ್ಷಿಕೆ:-- #ಮುದ್ದು_ಮೊಗದ_ಚೆಲುವನಿಗಾಗಿ_ಕಾದ_ಒಲವು                              ಹೇ                           ಕೇಶವಾ                       ಕಾಯುತಿರುವೆ                 ನಿನಗಾಗಿಯೇ ಬಾ ನಲ್ಲ  ಅಂತರಂಗದೊಳು ನೆಲೆನಿಂತ ಸವಿ ಪ್ರೇಮಭಾವ       ಮುದ್ದುಮೊಗದ ಚೆಲುವನಿಗಾಗಿ ಕಾಯ್ದ          ಒಲವ ರಾಧೇಯ ಮರೆತೆಯೇನು            ಚಾತಕ ಪಕ್ಷಿಯಂತೆ ಹಗಲಿರುಳು                   ನಿನ್ನ ನೆನಪಲ್ಲೇ ಜೀವ            ಸವೆಸುವ ನನ್ನ ನೀಮರೆಯದಿರು          ಕಾಣದೇನೆ ಮೊಗವ ಬೇಯುತಿರುವೆ       ಬಳಿ ಬಾ ಒಲವೇ ನಿನಗಾಗೆ ಕಾಯುತ್ತಿರುವೆ ಜೀವನಿಲ್ಲದೋ ಮಾಧವಾ ಬಳಿ ಬಾ ಉಳಿಸು ನನ್ನ                ಚಂದ್ರನ ಮೊಗದ ಚೆಲುವ...

#ಸ್ವಸ್ತಿಕ್_ಕವನ ಮುತ್ತೈದೆ ಹೆಣ್ಣಿಗೆ ಐದು             ಮುತ್ತುಗಳೇ ಭೂಷಣ ಹಣೆಗೆ ನಗುವ             ಸಿಂಧೂರ                         ಚೆಲುವ.            ಕೈಯಲ್ಲಿ                         ಅಂದದ              ಗಾಜಿನ                          ಹಸಿರು             ಬಳೆಯು ಬಾಲೆಯ ಎಳೆ ಕಿವಿಗೆ ಹೊಳೆವ ಮುತ್ತಿನ ಓಲೆ ಮದುವಣಗಿತ್ತಿಯ ಚೆಲುವ ಪಾದಕೆ ಬೆಳ್ಳಿಯ ಕಾಲಿನ.            ಉಂಗುರ ಸಿರಿಯು.          ಸಂಪಿಗೆ ಮೂಗಿಗೆ.         ಹೊಳೆವ ಮೂಗುತಿ.        ಚೆಲುವ ಮುದ್ದು ಕೊರಳಿಗೆ ನಲ್ಲ ಕಟ್ಟಿದನು          ಶೋಭಿಪ ಮಾಂಗಲ್ಯ ಸಿರಿಯು          ಶೈಲಜಾ ರಮೇಶ್

#ಶಾರದ ವೀಣಾಪಾಣಿಯಿವಳು ಬ್ರಹ್ಮನ ರಾಣಿ ಅಕ್ಷಮಾಲಾ ಪುಸ್ತಕ ವೀಣಾಧಾರಿಣಿ ವಿದ್ಯೆಯಿತ್ತು ಪಾಲಿಸೆ ವಿದ್ಯಾದಾಯಿನಿ ಸಕಲರ ಪೊರೆಯಮ್ಮ ಬುದ್ಧಿಶಿರೋಮಣಿ ಶುಭ್ರವಸ್ತ್ರಾನ್ವಿತೆ  ಶುಭ್ರರೂಪಧರೆ ಶ್ವೇತಕಮಲದಲಿ ವಾಸಿಪ ಮಧುರೆ ಹಂಸವಾಹಿನಿ ಮಾತೇ ಕಾಮಿತದಾಯಿನಿ ನೀಡಮ್ಮ ಶುಭಮತಿ ವಿದ್ಯಾಪ್ರದಾಯಿನಿ ಸಿದ್ಧಿ ಶಿರೋಮಣಿ ಬುದ್ಧಿಪ್ರಕಾಶಿನಿ ತ್ರೈಲೋಕ್ಯ ಪೂಜಿತೇ ಪ್ರಸನ್ನ ವದನೆ ಜಯತು ಸರಸ್ವತಿ ಸುರಸ ಅಮೃತವಾಣಿ ಸದ್ಭುದ್ಧಿ ನೀಡಮ್ಮ ವರವಿದ್ಯಾಭೂಷಿಣಿ          ಶೈಲೂ.....

#ನಮ್ಮ_ಊರು_ನಮ್ಮ ಹೆಮ್ಮೆ ನಮ್ಮ ಊರು ಬೆಂಗಳೂರು ವಿವಿಧತೆಗಳ ತವರೂರು ಪ್ರಪಂಚದ ನಾನಾ ತಾಣಗಳ ಜನಜಂಗುಳಿಗುಂಟಿಲ್ಲಿ ನೆಲೆ ಕೆಂಪೇಗೌಡರ ಬೆಂದಕಾಳೂರು ಕರ್ನಾಟಕದ ರಾಜಧಾನಿ ನನ್ನ ತವರು ಸಿಲಿಕಾನ್ ಸಿಟಿಎಂಬ ಹೆಸರು ತಂತ್ರಜ್ಞಾನದಲ್ಲಿ ಮೇರು ನಗರ ದೇವತೆಯಿಲ್ಲಿ ಅಣ್ಣಮ್ಮ ಜನತೆಯ ಸದಾ ಕಾಪಿಡುವಳಮ್ಮ ಅವಳ ಜೊತೆಗಿದೆ ಸಕಲ ದೇವಗಣ ನಿರಂತರ ರಕ್ಷಣೆಯಲ್ಲೇ ಮನ ಹಳ್ಳಿಯ ಸೊಗಡಿನ ಜಾತ್ರೆಯಿದೆ ಬಸವನ ಕಡಲೆಕಾಯಿ ಪರಿಷೆ ಬೃಹತ್ ಬಸವನ ಜೊತೆ ಗಣಪ ನಂಬಿಬಂದವರನ್ನೆಲ್ಲ ರಕ್ಷಿಪ ಸಂಕ್ರಾಂತಿಯ ಬೆರಗಿಗಿಲ್ಲಿ ಸಾಕ್ಷಿ ಗವಿ ಗಂಗಾಧರೇಶ್ವರ ದೇಗುಲ ಸ್ವಾಮಿ, ಭಕ್ತನ ಪ್ರೀತಿಗಿಲ್ಲಿ ಸಾಕ್ಷಿ ರಾಮಾನಂಜನೆಯ ಗುಡ್ಡ ವಿಶಾಲ ಉದ್ಯಾನದ ಜೀವಂತಿಕೆ ವಿಖ್ಯಾತ ಲಾಲ್ಬಾಗ್ ಕಬ್ಬನ್ಪಾರ್ಕ್ ವ್ಯಾಪಾರೋದ್ಯಮಕೇ ಹೆಸರು ಸಾಂಸ್ಕೃತಿಕತೆಗೂ  ಉಸಿರು ಇಲ್ಲಿ ಇಲ್ಲವೆಂಬುದೇ ಇಲ್ಲ ಪ್ರೀತಿಗೂ ಸೈ ದ್ವೇಷಕ್ಕೂ ಜೈ ಆಚಾರ ವಿಚಾರಕ್ಕಿದೆ ತಾವು ಅನೈತಿಕತೆ ಅನಾಚಾರದ ಟಾವು ವಿಸ್ಮಯದ ಭ್ರಮಾಲೋಕ ವಿಳಾಸ ಜೀವನಕೆ ನಾಕ ಜೊತೆಗಿದೆ ವಿವಿಧ ಪ್ರಾಂತ್ಯಗಳ ಹೆಸರಾಂತ ಬಗೆಬಗೆಯ ನಳಪಾಕ ಜಗವ ಸುತ್ತದಿದ್ದರೂ ಸರಿ ಇಲ್ಲೇ ಇದೆ ಸರ್ವ ಜಗದ ಸಿರಿ ಇದು ನನ್ನ ಮೆಚ್ಚಿನ ತವರೂರು ನನ್ನ ಹೆಮ್ಮೆಯ ಬೆಂಗಳೂರು    ಶೈಲಜಾ ರಮೇಶ್

#ಹನಿಗವನ #ಮುತ್ತಿನಾರತಿ ತನ್ನವರೆಲ್ಲರ ತೊರೆದು ತಾಯ್ನಾಡಿನ ಸೇವೆಯೇ ಹಿರಿದು ಎಂದೆನ್ನುತ ಅರಿಗಳ ತರಿದು ಜಯತಂದ ಯೋಧರಿಗೆ ಮುತ್ತಿನಾರಾತಿ ಪ್ರಾಣದ ಹಂಗನು ತೊರೆದು ಚಳಿ ಗಾಳಿ ಮಳೆಯೆನ್ನದೆ ನೆನೆದು ಗಡಿಗಳಲ್ಲೇ ವೈರಿಗಳ ಸೆದೆಬಡಿದು ತಾಯ್ನಾಡನು ರಕ್ಷಿಸಿದರಿಗೆ ಮುತ್ತಿನಾರಾತಿ ಡಾ: B.N. ಶೈಲಜಾ ರಮೇಶ್