203.ಹೂವಾಡಗಿತ್ತಿ
ಹೂವಾಡಗಿತ್ತಿ ************* ಹೂ ಮಾರಿಯಾದರೂ ಹೊಟ್ಟೆ ಹೊರೆಯುತ್ತೇನೆ ಬೇಡಿ ತಿನ್ನುವವಳಲ್ಲ ! ಹೊಟ್ಟೆ ತುಂಬುವುದಕ್ಕೆ ಯಾವ ಕೆಲಸವಾದರೇನು ಅವಮಾನ ವೆಂಬುದಿಲ್ಲ ! ಹಬ್ಬ ಬಂತಾದರೆ ನಮಗ0ದೇ ಹಬ್ಬ ದುಡಿಮೆ ಮರೆಯುವುದಿಲ್ಲ ! ಹಗಲಿರುಳಾದರೇನೂ ಮಳೆಬಿಸಿಲಾದರೇನೂ ಕಾಯಕವ ಮರೆತು ನಡೆದಿಲ್ಲ ! ಹಾದಿ ಬದಿಯಲ್ಲಿ ಕುಳಿತು ಬೀದಿಯೆಲ್ಲವ ಸುತ್ತಿ ಕಟ್ಟುತಿಹೆನು ನನ್ನಯಾ ಬದುಕ ! ಹೀಗಳೆದು, ಕಾಲೆಳೆದು ಕಟುನುಡಿಯನಾಡದಿರಿ ಇರಲೆಮ್ಮ ಮೇಲೆ ಮರುಕ ! ಹೂ, ಬೆಳೆವವರ ಹರಿವವರ ಮಾರುವವರ ಪಾಡು ಆ ದೇವ ನೊಬ್ಬ ತಾ ಬಲ್ಲ ! ಹೆಸರಿಗಿಷ್ಟು, ಕೊಸರಿಗಿಷ್ಟು ಕೇಳುವಿರಿ ಎಷ್ಟೆಂದರಷ್ಟಕ್ಕೆ ನಿಮಗೆ ಕರುಣೆಯೇ ಇಲ್ಲವಲ್ಲ ! ಶೈಲೂ ........ ಚಿತ್ರ ಕೃಪೆ :-- ಸ್ಮಿತಾ ಬಲ್ಲಾಳ್