230 ನೀನೇ ಮುರಿಯಬೇಕು ಮೌನ
ನೀನೇ ಮುರಿಯಬೇಕು ಮೌನ ************************* ಮೌನವಾಗಿದೆ ಮಾತು ಭಾವನೆಗಳ ಮರೆತು ನುಡಿಯಲು ಸಾವಿರ ಮಾತಿದ್ದರೂ ತುಟಿಯಂಚಲಿ ಜಾರಲು ತಹತಹಿಸುತ್ತಿದ್ದರೂ ಮನವೇಕೋ ಹಿಂಜರಿದಿದೆ ಒಳಮನ ಭಾವನೆಗಳ ಬಿಗಿದಿಟ್ಟಿದೆ ಸೋಲಲೊಪ್ಪದು ಮನ.. ಈ ತಹತಹಿಕೆ ನನಗೆ ಮಾತ್ರವಿದೆಯೇಕೆ..??? ಅವನಿಗಿಲ್ಲವೇಕೆ..??? ಇರಬಹುದು ಅವನಿಗೂ.. ಹಮ್ಮುಬಿಮ್ಮುಗಳ ತಾಕಲಾಟದಲಿ ಮಾತು ಮರೆತಿರಬಹುದು.. ತಪ್ಪುಗಳನ್ನೊಪ್ಪದೆ ನಾನೆಂಬ ಹಮ್ಮು ಕಾಡುತ್ತಿರಬಹುದು.. ನಾನೂ ಸಹ ಸಿದ್ಧವಿಲ್ಲ ನನ್ನ ತನವ ಮರೆತು ನಿನ್ನ ಓಲೈಸುವ ಬಯಕೆ ಎನಗಿಲ್ಲ ಇರಲಿ ಬಿಡು ಹೀಗೆಯೇ.. ನಡೆಯುತ್ತಿರಲಿ ಅಷ್ಟು ದಿನ ಮೌನ ಕರಗಿ ತುಟಿಬಿರಿದು ಚೆನ್ನಡಿ ಬರುವ ತನಕ ಕಾಯುತ್ತೇನೆ.. ಎಂದಿಗಾದರೂ ಸರಿ ನೀನೇ ಮುರಿಯಬೇಕು ಮೌನ.. ಶೈಲೂ.....