ಸಂಚಯ ಕವನ ಸಂಕಲನ ( Sanchaya Kavana Sankalana )

ಅಕ್ಕರೆಯ ಒಡಲಲ್ಲಿ ಸಕ್ಕರೆಯ ಸಿಹಿಗೊಂಬೆ ********************************* ಕಂದ ನೀನೆನ್ನ ಬಾಳಜ್ಯೋತಿ ಪ್ರಖರ ಬೆಳಕೀಯುವ ಪ್ರಣತಿ ಬರಿದಾಗಿದ್ದ ಮಡಿಲ ತುಂಬಿದ ಕಂದ ನೀನಗುತಿರೇ ಬಾಳೆಲ್ಲ ಆನಂದ ಆ ತೊದಲ್ನುಡಿಯ ಮುದ್ದು ಮಾತು ಸಿಹಿ ಜೇನ ಹನಿಗಿಂತಲೂ ಸೊಗಸು ಮರದಲ್ಲಿ ಮರಹುಟ್ಟಿ ತಿನ್ನಲಾರದ ಸವಿ ರುಚಿಯ ಅಮೃತಫಲ ನೀನು ಮಗುವಾಗಿ ಬಂದೆ ನನ್ನ ಬಾಳಲ್ಲಿ ನನ್ನದೇ ರುಧಿರ ಮಜ್ಜೆಯ ಹೊತ್ತ ಕರುಳಬಳ್ಳಿ ಬದುಕು ಹಸನಾಗಿಸಿದ ಓ ಮುದ್ದು ಕಂದಾ ತಾಯಿಯಾಗುವ ಸೌಭಾಗ್ಯ ಕಂದ ನಿನ್ನಿಂದ ಬಾಳ ಬನದಲಿ ಮೆಲ್ಲನರಳಿದ ಸಂಪಿಗೆ ನಿನ್ನ ನಗೆ ಬೆಳಕಲಿ ಬಾಳಾಯ್ತು ಹೊಸಬಗೆ ಅಕ್ಕರೆಯ ಒಡಲಲ್ಲಿ ಸಕ್ಕರೆಯ ಸಿಹಿಗೊಂಬೆ ಅನವರತ ಕಾಪಿಡಲಿ ನಿನ್ನ ತಾಯಿ ಜಗದಂಬೆ             ಶೈಲೂ......