ಸಂಚಯ ಕವನ ಸಂಕಲನ ( Sanchaya Kavana Sankalana )

ಸಂದಿಗ್ಧ ******* ಮನಸಿನಲ್ಲಿ ಅಡಗಿಸಲಾರದ ಯಾರೊಂದಿಗೂ ಹೇಳಲಾರದ ಸೋಲು ಹಾತಾಶೆಗಳಿವೆಯಲ್ಲಾ ಕುಗ್ಗಿಸಿ ಬಿಡುತ್ತವೆ ಮನುಜನನ್ನು.. ಮನಸ್ಸಿಗೆ ಚಿಂತೆಯ ಹಚ್ಚಿ ಚಿತೆಯೇರುವಂತೆ ಮಾಡುವ ಹಿಂಸಿಸುವ ನೋವುಗಳಿವೆಯಲ್ಲಾ ಜಗ್ಗಿಸಿಬಿಡುತ್ತದೆ ಮನುಜನನ್ನು... ಕಣ್ಣಂಚಿನಲ್ಲಿ ತುಳುಕಲಾರದೆ ಒಡಲೊಳಗದುಮಿಡಲಾರದೆ ಕಾಡುವ ಶೋಕವಿದೆಯಲ್ಲಾ ತಗ್ಗಿಸಿಬಿಡುತ್ತದೆ ಮನುಜನನ್ನು... ಬಿಚ್ಚಿಡಲಾರದಂತೆ ಹಿಂಸಿಸುವ ಮುಚ್ಚಿಡಲಾರದಂತೆ ಕಾಡುವ ಕೆಲವೊಂದು ಸಂಗತಿಗಳಿವೆಯೆಲ್ಲಾ ಒಳಗೊಳಗೇ ಕೊಲ್ಲುತ್ತದೆ ಮನುಜನನ್ನು... ಆಂತರ್ಯದ ನೋವ ಜ್ವಾಲೆ  ಅಂತರ್ಗಾಮಿನಿಯ ಒಳಹರಿವಿನಂತೆ ಉಸುಕಿನೊಳಗಣ ಸುಡುವ ಬಿಸಿಯಂತೆ ಒಳಗೊಳಗೇ ದಹಿಸಿ ನರಳಿಸುತ್ತದೆ ಮನುಜನನ್ನು....                ಶೈಲೂ.......