227 ನನ್ನವನು
ನನ್ನವನು... *********** ಎಲ್ಲರಂತಲ್ಲ ನನ್ನವನು ಕರುಣಾರಸ ಭರಪೂರಹರಿವ ಕನಸು ಕಂಗಳ ಚೆಲುವ ಸೊಗಸುಗಾರ... ಮುಗ್ಧಮುಖ ತುಂಬಿಹುದು ಬೆಳದಿಂಗಳ ಚಂದ್ರಕಳೆ ಮನಸೆಳೆವ ಮಾಂತ್ರಿಕ ಮೋಡಿಗಾರ... ನೀಲ ಮೇಘದ ವರ್ಣ ಮನವಿಹುದು ಹಳದಿಯ ಚಿನ್ನ ಸಮ್ಮೋಹಕ ನುಡಿಗಳ ಮಾತುಗಾರ... ತುಸು ಮುನಿಸು,ಪ್ರೀತಿ ಕಡಲು ಸುಗಂಧಬೀರುವ ಹೂಮನಸು ತುಂಟತನದ ಭಂಟ ಮೋಜುಗಾರ... ದಿಟ್ಟ ನಡೆ ಮಾರ್ಮಿಕ ನುಡಿ ದುಷ್ಟರ ತರಿದು ಶಿಷ್ಟರ ಪೊರೆವ ಜಗದೊದ್ಧಾರಕ ಕೃಷ್ಣ ಪೊರೆವನೆಲ್ಲರ... ಹಾಸ್ಯ ಭರಿತ ತುಂಟತನ ಕದ್ದನವ ಎಲ್ಲರ ಮನ ಹಸುಮಗುವಿನ ಮನದ ಜೊತೆಗಾರ... ಸ್ನೇಹ ತೋರಿದರೆ ಭಂಟ ಪ್ರೀತಿ ಮಾಡಿದರೆ ನೆಂಟ ಶರಣಾಗತರ ಪೊರೆವ ಕರುಣಾಕರ... ಹೆಚ್ಚೇನು ಹೇಳಲಿ..? ವರ್ಣನೆಗೆ ನಿಲುಕನವ ದಾಟಿಸುವನವ ಭಾವಸಾಗರ... ಹೃದಯವೈಶಾಲ್ಯತೆಯ ಕಡಲು ಅಪ್ಪಿದರೆ ತಾಯ್ಮಡಿಲು ಸರ್ವಸ್ವ ಅವನೆನ್ನ ಮುರಳೀಧರ... ಶೈಲೂ....
