281 ಹೀಗೇಕೆ?
#ಚಿತ್ರಕಾವ್ಯ_ಅಭಿಯಾನ_೨೮ #ಹೀಗೇಕೆ? ಚಿಗುರಿಸಿ ಆಸೆಯ ಬಳ್ಳಿಯನು ಮರೆತು ಹೊರಟಳೆಲ್ಲಿಗೆ.? ಹನಿಸದೆ ಪ್ರೀತಿ ಧಾರೆಯನು ತೊರೆದು ನಡೆದಳೆ ಮೆಲ್ಲಗೆ.? ಬರೆದಿದ್ದಳು ಕಣ್ಣೋಟದಲ್ಲೇ ಒಲವ ಬಾಳಿಗೆ ಮುನ್ನುಡಿ ಜಾರಿ ಹೋದಳು ಕೈಗೆ ಸಿಗದೆ ತೋರಿ ಬಾಳಪುಟಕೆ ಬೆನ್ನುಡಿ ಮೋಡಿ ಮಾಡಿತ್ತೆನಗವಳ ತೂಗುವ ಮುಂಗುರಳ ಲಾಸ್ಯ ಬರೆದಳೇ ಕೇಶದಲ್ಲೆ ಕೊನೆಗೆ ವಿರಹದುರಿಗೆ ಭಾಷ್ಯ ಓರೆ ನೋಟದಲ್ಲೆ ಕರೆದು ಹಾಡಿದ್ದಳು ಸವಿ ರಾಗವ ಕೋರೆ ಮಾತಲ್ಲೆ ಕೆಣಕಿ ಜರಿದಳು ಅನುರಾಗವ ಜೇನೆಂದು ಭ್ರಮಿಸಿದ್ದೆ ನಿನ್ನ ಪ್ರೇಮದಕ್ಕರೆ ನುಡಿಯ ಹಾವಂತೆ ವಿಷವುಣಿಸಿ ಇರಿದೆಯೇಕೆನ್ನೆದೆಯಾ.? ಡಾ: B.N. ಶೈಲಜಾ ರಮೇಶ್