346 ಹೊಂಬಿಸಿಲು

#ಕವನಸ್ಪರ್ಧೆ

#ಹೊಂಬಿಸಿಲು

ಉದಯಿಸಿದನಿದೋ ನೋಡು ಭಾಸ್ಕರ
ಹೊಂಬಿಸಿಲನು ಚೆಲ್ಲಿ..!
ಬಾನಂಗಳದಲಿ ಹೊನ್ನಿನೆಳೆಯ ಚಿತ್ತಾರ
ಎಳೆದನವ ರಂಗವಲ್ಲಿ..!

ಹೊಂಬಿಸಿಲ ಬಿಸಿ ಸ್ಪರ್ಶಕೆ ನೀಗಿತು
ಜಗದ ಜಡ ಚೇತನ..!
ಲಗುಬಗೆಯಲಿ ಮಿಂಚಿ ಸುಳಿದಾಡಿತು
ಜಗದ ಜನಜೀವನ..!

ಕವಿದ ಕತ್ತಲ ಅಜ್ಞಾನ ಎಲ್ಲ ಜಡತ್ವ
ಮೆಲ್ಲಮೆಲ್ಲ ಸರಿಯಿತು..!
ಉತ್ತೇಜಿಸುವುದು ಹೊಂಬಿಸಿಲ ತತ್ವ
ಚರಾಚರ ಜಗ ಹೊಳೆಯಿತು..!

             ಶೈಲಜಾ ರಮೇಶ್

Comments

Post a Comment

Popular posts from this blog

197 ತವರ ಸೆಳೆತ

Image
ತವರ ಸೆಳೆತ *********** ಕಣ್ಮುಚ್ಚಿದರೆ ನನ್ನ ಅಮ್ಮ ಬರುವಳು ಮುಂದೆ ಅಪ್ಪನದೆ ನೆನಪು ಮನಸ್ಸಿನೊಳಗೆ ಇಷ್ಟು ವರ್ಷವಾದರೂ ಮರೆತಿಲ್ಲ ತವರ ಕಟ್ಟಿಹುದು ಕಣ್ಮುಂದೆ ಚಿತ್ರದಂತೆ ಅಣ್ಣನಾ ವಾತ್ಸಲ್ಯ ನೆನೆದು ಹನಿಗೂಡಿಹುದು ಕಣ್ಣು ಕೈಬೀಸಿ ಕರೆಯುತಿದೆ ತವರ ಮಮತೆ ಹೋಗಿ ಬರಲೇನು ನಲ್ಲ ತವರು ಮನೆಗೆ ನಿಮ್ಮ ಪ್ರೀತಿಯಲೇನು ಹುಳುಕು ಕಾಣುತ್ತಿಲ್ಲ ಸ್ವರ್ಗವಿಹುದು ನಿಮ್ಮ ತೋಳಿನೊಳಗೆ ತವರ ಮರೆಸುವ ಪ್ರೀತಿ ನೀಡಿದರೂ  ನಲ್ಲ ಮರೆಯಲಾರೆನಾ ತವರ ಸೆಳೆತ ಪ್ರತಿಯುಸಿರಿನಲ್ಲೂ  ನೆನೆಯುವಳು ನನ್ನಮ್ಮ ತುತ್ತಿ ಗೊಂದಿಷ್ಟು ನಲ್ಲ ನನ್ನ ಮಾತೇ ಮರೆಯಲಾಗುತ್ತಿಲ್ಲ ಹೋಗಿ ಬರಲೇನು ತವರುಮನೆಗೆ ಇಲ್ಲಿ ಕೊರತೆ ಇಹುದೇನೆಂದು ಕೇಳದಿರಿ ನಿಮ್ಮ ಮಡಿಲಲ್ಲಿ ನಾನು ಚಿಕ್ಕ ಮಗುವೇ ತವರಿನಲ್ಲಿದ್ದಂತೆ ಸ್ವತಂತ್ರ ವಿಹುದಿಲ್ಲಿ ನಿಮ್ಮಆಶ್ರಯದಲ್ಲಿ ನಾನು ಪರಮ ಸುಖಿಯು ತಾಯಿ ಪ್ರೀತಿಯೇ ಬೇರೆ ತಂದೆ ಮಮತೆಯೇ ಬೇರೆ ಅಳೇಯಲಾಗದು ಅದನು ತೂಕ ಮಾಡಿ ಹೋಗೊಮ್ಮೆ ಬರಲೇನು ತಾಳಲಾರದು ಮನವು ಕಟ್ಟಿ ಎಳೆಯುತ್ತಿದೆ ತಾಯ ಕರುಳಬಳ್ಳಿ.          ಶೈಲೂ......
Read more

343 ಒಗಟಿನ ರೂಪದ.ಚುಟುಕು

Image
#ಒಗಟಿನ_ರೂಪದ_ಚುಟುಕು_ಸ್ಪರ್ಧೆ ಹನ್ನೆರಡೂರಿನ ನೆಂಟನಿವನು ಬಾಳಿಗೆ ಭಂಟ ಒಂದೊಂದೇ ಪುಟವನು ಸರಿಸಿ ಮೆಲ್ಲನೆ ಹೊರಟ ನೋವುನಲಿವು ಜೊತೆ ಸುಖದುಃಖಗಳ ಕೊಡುತ ಎಲ್ಲರ ಬಾಳಲಿ ಹಾಸುಹೊಕ್ಕಾಗುತ ಬೆರೆತಾಡುತ ಕಷ್ಟಕೋಟಲೆಗಳ ಸುರಿಮಳೆ ಈ ತನಕ ಸಾಕೆನ್ನುತ ಭರವಸೆಯ ಬೆಳಕಿತ್ತು ಮುಂದೆ, ಹೊರಟ ಹೇಳುತ್ತ ಟಾಟಾ..!!          ಶೈಲಜಾ ರಮೇಶ್
Read more

353ಅಮ್ಮ

Image
ಎಲ್ಲಾ ಅಮ್ಮಂದಿರಿಗೂ ವಿಶ್ವ ಅಮ್ಮಂದಿರ ದಿನದ ಶುಭಾಶಯಗಳು💐💐💐 #ಅಮ್ಮ ಅಮ್ಮ ಎಂಬ ಬೃಹತ್ ಆಲದ ಮರದಡಿಯಲ್ಲಿ ನಾನೊಂದು ಪುಟ್ಟ ಚಿಗುರು ಕ್ಷಣಕ್ಷಣವೂ ಕಾಪಿಡುವ ಆ ನಿಸ್ವಾರ್ಥ ಮೂರ್ತಿಗೆ ದೇವನಿಟ್ಟ ಅಮ್ಮಾ ಎಂಬ ಹೆಸರು ಅದೆಷ್ಟು ಕಷ್ಟಗಳ ಸಹಿಸಿ ದಹಿಸಿ ಹೋಗುತ್ತಿದ್ದರೂ ನಗುವೇ ಅವಳ ಬಂಡವಾಳ ಕ್ಷಣಕ್ಷಣವೂ ಬೇಸತ್ತು ಬಳಲಿ ಬೆಂಡಾದರೂ ಅರಿಯಲಿಲ್ಲವಳ ಅಂತರಾಳ ತಾನುಂಡಳೋ ಇಲ್ಲವೋ ಮನೆ ಮಂದಿಯ ಹಸಿವೆ ನೀಗಿಸುವ ಅಮ್ಮ ಅನ್ನಪೂರ್ಣೆ ನೂರು ನೋವಿತ್ತವರನೂ ಕ್ಷಮಿಸಿ ಆದರಿಸುವ ಅಮ್ಮ ದೈವದಂತವಳು ಸದಾಪೂರ್ಣೆ ಕರುಳಕುಡಿಯ ಕಾಪಿಡಲು ಉತ್ತಮ ವ್ಯಕ್ತಿತ್ವ ರೂಪಿಸಲು ಅಮ್ಮನೇ ಮುಖ್ಯ ಪಾತ್ರಧಾರಿಣಿ ಮೊದಲ ಗುರುವಾಗಿ ಕಲಿಸಿ ಅಕ್ಕರಗಳ ತಿದ್ದಿತೀಡಿ ಬೆಳೆಸಿ ಎತ್ತೆತ್ತರಕ್ಕೆ ಬೆಳೆಯಲಿವಳು ಸೂತ್ರಧಾರಿಣಿ ಪದಗಳುಂಟೆ ಬಣ್ಣಿಸಲವಳ ಅದಾವ ಪದಗಳಿಗೂ ನಿಲುಕದ ಅಮ್ಮನದು ನಿಜದಿ ಮೇರು ವ್ಯಕ್ತಿತ್ವ ಬರೀ ದೇವತೆಯಲ್ಲವಳು ಆ ದೇವರಿಗಿಂತಲೂ ಮಿಗಿಲು ವರ್ಣನೆಗೂ ನಿಲುಕದವಳ ಶುದ್ಧ ಮಾತೃತ್ವ      ಡಾ: B.N.ಶೈಲಜಾ ರಮೇಶ್
Read more