341, ಜಾನಪದ ಶೈಲಿ ಕವನ
#ಜಾನಪದ_ಶೈಲಿ_ಕವನ
#ಶೀರ್ಷಿಕೆ
#ಹಳ್ಳಿಯಲ್ಲಿ_ಅರಳಿದ_ಮಲ್ಲೇ
ಏನ್ ಚಂದ ಕಾಣ್ತೀ
ಹುಸಿ ನಗೆಯ ಗರತಿ
ಅಂದಾಕೆ ಒಡತಿಯೇ ನೀನು|| ಓ ಹೆಣ್ಣೇ||
ನೀ ಹಳ್ಯಾಗೆ ಅರಳಿದ ಮಲ್ಲೇ..
ಹುಬ್ಬು ಕಾಮನಬಿಲ್ಲು
ಲಜ್ಜೆಯಾ ಕಣ್ಣುಗಳು
ಚಂಚಲ ನೋಟವಿಲ್ಲ||ಓ ಹೆಣ್ಣೇ||
ನೀ ಹಳ್ಯಾಗೆ ಅರಳಿದ ಮಲ್ಲೇ..
ನಾಗರ ಜಡೆಯನ್ನ
ಎತ್ಕಟ್ಟಿ ತುರುಬನ್ನ
ಘಮ್ಮೆನ್ನೋ ಮಲ್ಲಿಗಿ ಮುಡಿದು||ಓ ಹೆಣ್ಣೇ|
ನೀ ಹಳ್ಯಾಗೆ ಅರಳಿದ ಮಲ್ಲೇ..
ದುಂಡಾದ ಮುಖದಲ್ಲಿ
ಸೇಬಂತಾ ಕದಪಲ್ಲಿ
ನಾಚಿಕೆ ಹರಡೈತೆ || ಓ ಹೆಣ್ಣೇ||
ನೀ ಹಳ್ಯಾಗೆ ಅರಳಿದ ಮಲ್ಲೇ..
ದೇವತೆ ಕಳೆ ಐತಿ
ಮುಗೀಬೇಕು ಕೈಯೆತ್ತಿ
ನೀಯಾರ ಮನೆಯ ದೀಪ
|| ಓ ಹೆಣ್ಣೇ||
ನೀ ಹಳ್ಯಾಗೆ ಅರಳಿದ ಮಲ್ಲೇ..
Comments
Post a Comment