338 ಹುಸಿನಗೆಯ ಬೀರಿ
ಕಣ್ರೆಪ್ಪೆ ಹಾಕದಲೇ
ಹುಸಿ ನಗೆಯ ಬೀರಿ
ಕುಡಿನೋಟದಿಂದೆನ್ನ
ನೋಡದಿರು ಕೃಷ್ಣಾ
ನಾಚಿ ನೀರಾಗಿದ್ದೇನೆ ನಾನು
ಬೇಡಬೇಡ ವೆಂದರೂ ಎನ್ನಂತರಂಗದ ಭಾವನೆಗಳು
ಉಕ್ಕುಕ್ಕಿ ಬರುತ್ತಿವೆ
ಹೇಳಲಾರೆ ನಾ
ಮನದ ಮಾತುಗಳ...
ಅಂತರಾತ್ಮ ನೀನು
ಎನ್ನಂತರಂಗವನರಿತಿದ್ದರೂ
ಈ ಪರಿ ಕಾಡುವೆಯೇಕೆ
ನಿನ್ನೀ ನೋಟದಾ ಸೆಳೆತ
ಮರೆಸುತ್ತಿದೆ ಎಲ್ಲ
ಮಾಯಾವಿ ನೀನು
ಜಗತ್ತನ್ನೆಲ್ಲನಿನ್ನಲ್ಲಡಗಿಸಿಕೊಂಡು
ಸೃಷ್ಟಿಸಿದ್ದೀಯ ಏಕಾಂತ
ಬೆರೆಸಲಾರೆ ನೋಟಕ್ಕೆ ನೋಟ
ಕರಗಿ ಹೋಗಿದ್ದೇನೆ
ಲೀನವಾಗಿದ್ದೇನೆ ನಿನ್ನಲ್ಲೇ ನಾನು........
Comments
Post a Comment