316 ಜಡೆಕವನ ( ಒಂಟಿ ಮನೆ ಒಂಟಿ ಬದುಕು)
#ಒಂಟಿಮನೆ_ಒಂಟಿಮನಸ್ಸು
ಆಹಾ.... ಅದ್ಭುತವೀ ಪ್ರಕೃತಿ
ಪ್ರಕೃತಿಯು ವಿಸ್ಮಯಗಳ ತಾಣ
ತಾಣವಿದು ಹಸಿರು ಶೃಂಗಗಳ ಮಧ್ಯೆ
ಮದ್ಯೆ ಮರಗಿಡಗಳು ಬಾನೆತ್ತರಕ್ಕೆ ಬೆಳೆದು
ಬೆಳೆದ ತರುಲತೆಗಳ ಒನಪು ನೋಡು
ನೋಡು ಚಂದವೀ ಪ್ರಕೃತಿ ಮಡಿಲು
ಮಡಿಲಲ್ಲಿ ಅಲ್ಲೊಂದು ಪುಟ್ಟ ಮನೆ
ಮನೆಗೆ ಮುಸುಕಿದೆ ಬಳ್ಳಿಗಳ ಹಂದರ
ಹಂದರದೀ ಚಪ್ಪರ ನೋಡಲು ಸುಂದರ
ಸುಂದರ ಈ ನಿಸರ್ಗ ಭುವಿಗಿಳಿದಂತೆ ಸಗ್ಗ
ಸಗ್ಗದ ಸೊಬಗೆಲ್ಲ ಮಲೆನಾಡಲ್ಲಿ ತುಂಬಿ
ತುಂಬಿ ಚೆಲುವ ಎರಕಹೊಯ್ದನೇನೋ ಆ ದೇವ
ಆ ದೇವನಗರಿಯಲೊಂದು ಒಂಟಿ ಮನೆ
ಒಂಟಿಮನೆಯಲ್ಲಿರಬಹುದೇನೋ ಒಂಟಿಮನಸ್ಸು
ಒಂಟಿ ಮನವು ಮಾಡುತ್ತಿರಹುದು ತಪಸ್ಸು
ತಪದ ಪುಣ್ಯವೆಲ್ಲ ಸಿಗಲಿ ಈ ಧರೆಗೆ
ಧರೆಯ ದೊರೆಯರನ್ನೆಲ್ಲ ಹಚ್ಚಿ ಒರೆಗೆ
ಒರೆಗ್ಹಚ್ಚಿದ ಚಿನ್ನದಂತಿರಲಿ ಬದುಕು
ಶೈಲಜಾ ರಮೇಶ್
Comments
Post a Comment