248ಭಾವ ಜೀವಿಯ ಮೌನ


ಭಾವ ಜೀವಿಯ ಮೌನ
*******************

ತವಕಿಸುತ್ತಿವೆ ಹೊರಹೊಮ್ಮಲು
ತುಟಿಯಂಚಲಿ  ಭಾವನೆಗಳು
ಮನದಾಳದಲ್ಲಿ ಅವಿತಿದ್ದ
ಕವಿಮನದ ಮಾತುಗಳು

ತವಕಿಸುತ್ತಿವೆ ಹೊರಹೊಮ್ಮಲು
ಕಣ್ಣಂಚಿನಲ್ಲಿ ಮಿಂಚುಗಳು
ಎದೆಯಾಳದಿ ಮುಳುಗಿದ್ದ
ಒಳಮನದ ನೋವುಗಳು

ತವಕಿಸುತ್ತಿವೆ ಹೊರಹೊಮ್ಮಲು
ಅಂತರಾಳದ  ಭಾವಗಳು
ಆಸ್ಥೆಯಲಿ ಬರೆದಿದ್ದ
ಹೃದಯಂಗಮ ಸಾಲುಗಳು

ತಡೆಯುತ್ತಿದೆ  ಬಲವಾಗಿ
ಕಾಣದ ಕೈಯ ಗೋಡೆಗಳು
ಶರಣಾಗಿದೆ  ಮೌನಕೆ
ಭಾವಜೀವಿಯ  ಅನಿಸಿಕೆಗಳು

     ಶೈಲೂ......

Comments

Post a Comment

Popular posts from this blog

343 ಒಗಟಿನ ರೂಪದ.ಚುಟುಕು

Image
#ಒಗಟಿನ_ರೂಪದ_ಚುಟುಕು_ಸ್ಪರ್ಧೆ ಹನ್ನೆರಡೂರಿನ ನೆಂಟನಿವನು ಬಾಳಿಗೆ ಭಂಟ ಒಂದೊಂದೇ ಪುಟವನು ಸರಿಸಿ ಮೆಲ್ಲನೆ ಹೊರಟ ನೋವುನಲಿವು ಜೊತೆ ಸುಖದುಃಖಗಳ ಕೊಡುತ ಎಲ್ಲರ ಬಾಳಲಿ ಹಾಸುಹೊಕ್ಕಾಗುತ ಬೆರೆತಾಡುತ ಕಷ್ಟಕೋಟಲೆಗಳ ಸುರಿಮಳೆ ಈ ತನಕ ಸಾಕೆನ್ನುತ ಭರವಸೆಯ ಬೆಳಕಿತ್ತು ಮುಂದೆ, ಹೊರಟ ಹೇಳುತ್ತ ಟಾಟಾ..!!          ಶೈಲಜಾ ರಮೇಶ್
Read more

338 ಹುಸಿನಗೆಯ ಬೀರಿ

Image
ಕಣ್ರೆಪ್ಪೆ  ಹಾಕದಲೇ ಹುಸಿ ನಗೆಯ ಬೀರಿ ಕುಡಿನೋಟದಿಂದೆನ್ನ ನೋಡದಿರು ಕೃಷ್ಣಾ ನಾಚಿ ನೀರಾಗಿದ್ದೇನೆ ನಾನು ಬೇಡಬೇಡ ವೆಂದರೂ ಎನ್ನಂತರಂಗದ  ಭಾವನೆಗಳು ಉಕ್ಕುಕ್ಕಿ ಬರುತ್ತಿವೆ ಹೇಳಲಾರೆ ನಾ  ಮನದ ಮಾತುಗಳ... ಅಂತರಾತ್ಮ ನೀನು ಎನ್ನಂತರಂಗವನರಿತಿದ್ದರೂ ಈ  ಪರಿ ಕಾಡುವೆಯೇಕೆ ನಿನ್ನೀ  ನೋಟದಾ ಸೆಳೆತ ಮರೆಸುತ್ತಿದೆ ಎಲ್ಲ ಮಾಯಾವಿ  ನೀನು ಜಗತ್ತನ್ನೆಲ್ಲನಿನ್ನಲ್ಲಡಗಿಸಿಕೊಂಡು ಸೃಷ್ಟಿಸಿದ್ದೀಯ  ಏಕಾಂತ ಬೆರೆಸಲಾರೆ ನೋಟಕ್ಕೆ ನೋಟ ಕರಗಿ ಹೋಗಿದ್ದೇನೆ ಲೀನವಾಗಿದ್ದೇನೆ ನಿನ್ನಲ್ಲೇ ನಾನು........                            ಶೈಲೂ...........
Read more

317 ಶಿವಸ್ತುತಿ

Image
ಚಿತ್ರದೊಂದಿಗೆ ಶಿವಸ್ತುತಿ🙏 ಭಸ್ಮವಿಲೇಪಿತ ಚಂದ್ರಮುಕುಟ ಹರ ತ್ರಿಶೂಲ ಢಮರುಗಧಾರಿ ಸದಾಶಿವ ಬಿಲ್ವದಳಪ್ರಿಯ ಜಟಾಜೂಟಧರ ನಾಗಾಭರಣ ಗೌರೀಪ್ರಿಯ ವಲ್ಲಭ ಓಂಕಾರ ಪ್ರಣವ ಮಂತ್ರದಿ ಧ್ಯಾನಿಪೆ ನಿನ್ನನು ಕಾಯೋ ಎಮ್ಮನು ಗಂಗಾಧರ ಶಿವ          ಶೈಲೂ.....
Read more