ನನ್ನೆದೆಯ_ಬಾಂದಳಲಿ_ತಾರೆ_ನೀನು

#ಭಾವಗೀತೆ_

#ಶೀರ್ಷಿಕೆ

#ನನ್ನೆದೆಯ_ಬಾಂದಳಲಿ_ತಾರೆ_ನೀನು

ನನ್ನೆದೆಯ ಬಾಂದಳಲಿ ತಾರೆ ನೀನು |

ನಿನ್ನೊಲವ ಬಂಧನದಿ ಖೈದಿ ನಾನು ||

ಮೀಟುತಿರುವೆ ನೀ ನನ್ನ ಮನದ ವೀಣೆ

ಮಧುರ ಸುಸ್ವರದ ರಾಗದಾಲಾಪ ನಾನೇ

ಎದೆಯ ತಂತಿಯ ನವಿರಾಗಿ ಮೀಟಿ ಮಿಡಿದೆ

ಮನವ ನಲಿಸುವ ಪ್ರೇಮರಾಗ ನುಡಿದೆ ||

||ನನ್ನೆದೆಯ||

ಹಚ್ಚಹಸಿರು ವನಸಿರಿಯ ನಡುವೆ

ಅರಳಿ ಘಮಿಸುವ ಹೂವಂತೆ ನಲಿವೆ

ಬೀಸಿ ಪ್ರೇಮದಬಲೆಯ ಒಲಿಸಿ ತಾನು

ಮಕರಂದ ಹೀರಲು ಬಂದ ಭೃಂಗ ನಾನು||

||ನನ್ನೆದೆಯ||

ಬಾಳ ಬೆಳಗಲು ಬಂದ ಭಾಗ್ಯದೇವತೆ

ಕಾಪಿಡುವೆ ಬರದಂತೆ ಯಾವ ಕೊರತೆ

ಪ್ರೀತಿಮಳೆಹನಿಸಿ ಹಸಿರಾಗಿಸಿದೆ ಬಾಳು

ಒಲವ ಜೇನಹೊಳೆಯಲ್ಲಿ ಮೀಯುವೆ ತಾಳು||

|| ನನ್ನೆದೆಯ||

ಗುನುಗುತಿದೆ ಮನದಲ್ಲಿ ಒಲವ ಭಾವಗೀತೆ

ಪ್ರತಿ ಪದ ಪದದಲ್ಲೂ ನಿನ್ನೊಲವ ಮಾತೇ

ಬಾಳ ಪ್ರತಿ ಪುಟದಲ್ಲೂ ನಿನ್ಹೆಸರ ಬರೆದಿರುವೆ

ಎದೆಯಗುಡಿಯಲಿ ಗೆಳತಿ ನೀನೇ ಕುಳಿತಿರುವೆ||

||ನನ್ನೆದೆಯ||

                    ಶೈಲೂ.......