80. ಆಶಾವಾದ
**********
ಸೋತೆವೆಂದು ಕಂಗೆಟ್ಟು
ಕುಳಿತರೆ ಹೇಗೆ..?
ಬತ್ತಿ ಹೋದಾವು ಆಸೆ
ಮುಚ್ಚೀತು ಬದುಕುವ ಬಗೆ..
ಗೆಲುವ ನಶೆಯೇರಿಸಿ
ಬಾಗದೆ ಬೀಗಿದರೆ ಹೇಗೆ..?
ತಲೆಗೇರಿ ಮತ್ತು..
ಬಿದ್ದೀಯ ಜೋಕೆ..!
ಸೋಲು ಪಾಠವಾಗಬೇಕು
ತಪ್ಪಿನ ಅರಿವು ಮೂಡಿಸಿ
ಗೆಲುವು ಸ್ಪೂರ್ತಿಯಾಗಬೇಕು
ಬದುಕಲು ಛಲವ ಬೆರೆಸಿ
ಬದುಕೊಂದು ಜೋಕಾಲಿ
ಏರಿಳಿತಗಳ ಗಮನವಿರಲಿ
ಒಮ್ಮೆ ಮೇಲೆ, ಮತ್ತೊಮ್ಮೆ ಕೆಳಗೆ
ಒಮ್ಮತವಿರಲಿ ಸೋಲು ಗೆಲುವಿಗೆ
ಏರುವ ಹುಮ್ಮಸ್ಸಿನಲ್ಲಿ
ಬಾಳಿಗಾನಂದವಿರಲಿ
ಇಳಿಯುವ ಕಂಪನದಲಿ
ಸಂಭಾಳಿಸುವ ಕಲೆಯಿರಲಿ
ಸೋಲು ಗೆಲುವಿನ ಆಟ
ಇದು ಬಾಳಿನ ಪರಿಪಾಠ
ಹಿಗ್ಗದೆ ...ಕುಗ್ಗದೆ ನಡೆದರೆ
ಬದುಕು ಸಂತಸದ ಕೂಟ
ಶೈಲೂ.....
Comments
Post a Comment