261. ಹೇಡಿಯಾಗದಿರು

ಹೇಡಿ

*****

ಬದುಕಲಾರೆನೆಂದು ಜೀವ

ಕಳೆದುಕೊಂಡರಾದೀತೆ ಹೇಳು

ಬದುಕುವ ಛಲ ತಳೆದು

ಸೆಟೆದೆದ್ದು ನಿಲ್ಲಬೇಕು ಬಾಳಲಿ

ಕೈಲಾಗದೆಂದು ಹೇಡಿಯಂತೆ

ಕುಳಿತರಾದೀತೇ  ಹೇಳು

ಕೈಲಾಗದ್ದೇನೇನೂ ಇಲ್ಲ

ಮನಸ್ಸೊಂದಿದ್ದರೆ ಮಾರ್ಗ ಬಾಳಲಿ

ದುಡಿಮೆಯೇ ದೇವರು ತಾನೇ

ಸೋಮಾರಿಯಾದರಾದೀತೆ ಹೇಳು

ಶ್ರದ್ದೆಯೊಳಗಿತ್ತು ಮನವ ದುಡಿದರೆ

ಸಿರಿತನ ನಿನ್ನ ಕಾಲ ಬಳಿಯಲಿ

ದುಃಖವಿರಬಹುದು ಇಂದು

ಅತ್ತು ಕುಳಿತರಾದೀತೆ ಹೇಳು

ತೆರೆದಿಟ್ಟು ಮನವ  ಹಗುರಾಗಿಸು

ನಿನ್ನವರಿಲ್ಲವೇನು ಬದುಕಲಿ?

ಕತ್ತಲೆಯಾಯ್ತೆಂದು ಬೆಚ್ಚಿ

ಮೂಲೆಹಿಡಿದು ಕುಳಿತರಾದೀತೆ ಹೇಳು

ತಾಳಿ, ಕಾಯಬೇಕು ಬೆಳಕಿಗಾಗಿ

ಬಂದೇ ಬರುವ ರವಿ ಬಾನಲಿ

ಇರುಳು ಕಳೆದೊಡನೇ ಇದೆ

ಭರವಸೆಯ ಬೆಳಕು ಕೇಳು

ಬೆಚ್ಚದೆ ಹಚ್ಚು ಜ್ಞಾನ ದೇವಿಗೆ

ಮನದ ತಮ ಓಡುವುದು ಕ್ಷಣದಲಿ

ತಾಳಿದವನು ಬಾಳಿಯಾನು ಗೊತ್ತೇ

ಇದರರ್ಥ ವಿಶಾಲವಿದೆ ಕೇಳು

ಬಿದ್ದರೇನಂತೆ ಎದ್ದುನಿಲ್ಲು ಛಲದಲಿ

ಹೇಡಿಬದುಕು ಹೀನಾಯ ಬಾಳಲಿ

ಏನಾದರೂ ಸಾಧಿಸು ಬದುಕಿದ್ದು

ಸಾವಿನಾಚೆಗೂ ಘನತೆ ತರುವುದು ಕೇಳು

ಹಾದಿಯುಂಟು ಆಯ್ಕೆಯುಂಟು ಬಹಳ

ಹೇಡಿಯಾಗದೆ ಸಾಧಿಸಿ ತೋರು ಬಾಳಲಿ

             ಶೈಲೂ.....