247 ಸಾಧಿಸುವ ಛಲ

ಸಾಧಿಸುವ ಛಲವೊಂದಿದ್ದರೆ ಬಾಳಿನಲ್ಲಿ

*********************************

ಸಾಧಿಸುವ ಚಲವೊಂದಿದ್ದರೆ ಬಾಳಿನಲಿ

ಬೆಟ್ಟದಷ್ಟು ಕಷ್ಟ ಕರಗಿ ಗುಟ್ಟವಾಗುವುದು ಕೇಳು

ಆತ್ಮವಿಶ್ವಾಸದಿಂದ ಮುನ್ನುಗ್ಗಿದರೆ ಬದುಕಿನಲಿ

ಗೆಲುವಿನೊಂದೊಂದೆ ಮೆಟ್ಟಿಲು ಕಾಣುವುದು ಕೇಳು

ಆರೂ ಅರಿಯರಿಲ್ಲಿ ಮನದ ಪ್ರೇಮ ಭಾವಸಮ್ಮಿಲನ

ಕಂಡರೂ ಕಾಣದಂತೆ ನಿರ್ಲಕ್ಷಿಸುವರು ಕೇಳು

ಆಡಿಕೊಳ್ಳುವವರ ಮುಂದೆ ಸಾಗಬೇಕು ಮುಂದೆಮುಂದೆ

ಯಶೋಕೀರ್ತಿ ಮಾನಸಮ್ಮಾನ ಗಳಿಸಿ ವಿಜಯಿಯಾಗಿ ಬಾಳು

ಅಮಾನವೀಯ ಜಗದೊಳು ಕಪಟತೆಯೇ ದೈವ

ಶುದ್ಧ ಮನಕೆ ಬೆಲೆಕೊಡುವವರಾರೂ ಇಲ್ಲ

ಸ್ವಾರ್ಥಲಾಲಸೆ ಮೋಸ ತುಂಬಿದೀ ಜಗದಲಿ ಮುಗ್ಧತೆಯಲೂಟಿ ಮಾಡುವರೇ ಎಲ್ಲ

ಮಾತು ಮುತ್ತಂತೆ ಕಾಪಿಡಬೇಕು ಸದಾ

ಗೌರವ ಘನತೆಯ ತೂಕ ಮಾತಿನಲ್ಲಿರಲಿ

ಕಳೆದುದೆಂದೂ ಮತ್ತೆ ಹಿಂತಿರುಗಿ ಬಾರದು

ಕ್ಷಣಕ್ಷಣವೂ  ಬೆಲೆಯುಳ್ಳದ್ದು ಉಪಯೋಗಿಸುವ ಕ್ಷಮತೆಯಿರಲಿ

ಶಕ್ತಿಯಿಂದಾಗದ್ದು ಯುಕ್ತಿಯಿಂ ಗೆಲಬೇಕು

ನಿನ್ನ ಆತ್ಮವಿಶ್ವಾಸದಲಿ ನಂಬಿಕೆಯಿರಲಿ

ಆಗಲಾಗದ್ದು ಯಾವುದೂ ಇಲ್ಲವೆಂದು ತಿಳಿ

ದೃಢಸಂಕಲ್ಪದಿಂದ ಸಾಧಿಸುವ ಛಲವಿರಲಿ

            ಶೈಲೂ.....