221 #ಹೀಗೊಂದು #ನೆನಪು

#ಹೀಗೊಂದು #ನೆನಪು

*****************

ಒಂಟಿಯಾಗಿದ್ದಾಗಲೇ

ನಂಟು ಬೆಳೆಸಲು ಹಾತೊರೆವ

ಗತಕಾಲದ ನೆನಪುಗಳ ಹಾವಳಿ

ಕಳೆದುಕೊಂಡವುಗಳ

ಗಳಿಸಿಕೊಂಡವುಗಳ

ತೊರೆದುಹೋದವುಗಳ

ಬೆನ್ನಿಗಂಟಿದ ಬೇತಾಳಗಳ

ನೆನಪಿನ ಪ್ರಭಾವಳಿ..!

ಒಂದೇತಾಯೊಡಲ ಅಮೃತವ

ಕುಡಿದು ಬೆಳೆದ ಸೋದರ ಸಂಭಂದ

ಸ್ವಾರ್ಥ ಲಾಲಸೆಯ 

ಕರಾಳ ಮುಖದ ಸೋಲು -

ಗೆಲುವಿನ ಹೆಜ್ಜೆಗುರುತುಗಳ ತರಂಗ

ಮನದ ತಿಳಿಗೊಳವ ಮಲಿನತೆಯ ಮಾಡಿ

ರಾಡಿಯೆಬ್ಬಿಸಿದ ಬೇಡದ ವಿಚಾರ..!

ಪರಿಚಯವೇ ಇಲ್ಲದೆ

ಜೊತೆಯಾದ ಸ್ನೇಹಸಂಬಂದ

ಭಾವೋತ್ಕರ್ಷವ ಮೀರಿ

ಬೆಳೆದ ಪ್ರೇಮಾನುಬಂಧ

ಹೆಜ್ಜೆ ಹೆಜ್ಜೆಗೂ ಹರಸಿ ಹಾರೈಸಿ

ಪ್ರೋತ್ಸಾಹಿಸಿ ಹುರಿದುಂಬಿಸುವ

ಸಂತಸದ ವಿಚಾರ..!

ಈ ಒಳಿತು ಕೆಡಕುಗಳ

ಕಲಸುಮೇಲೋಗರದ

ನೆನಪಿನ ತರಂಗಗಳ

ಹೊಯ್ದಾಟ ಮನದಲಿ

ಒಮ್ಮೆ ಕಣ್ಣ oಚಲಿ ನೀರು

ಮತ್ತೊಮ್ಮೆ ಧೀರ್ಘ ನಿಟ್ಟುಸಿರು

ಹಿಂದೆಯೇ ಭಾವೋತ್ಕರ್ಷದ

ಸಖೀಗೀತ ಮನದಲಿ..!

            ಶೈಲೂ.....

Shylaja Ramesh