206 ಚೈತ್ರ ತಂದ ಚಿಗುರಿನ ಹಾಗೆ ನಿನ್ನ ಸ್ನೇಹ

ಚೈತ್ರ ತಂದ ಚಿಗುರಿನ ಹಾಗೆ ನಿನ್ನ ಸ್ನೇಹ
*******************************

ಘಮ್ಮೆ0ದು ಅರಳಿದ ಹೂವಂತೆ ನಾನು
ಝೇಂಕರಿಪ ಭೃಂಗ ನಿನಗಾಗಿ ಕಾದಿರುವೆನು
ಬಂದು ಮುದಗೊಳಿಸು ಮನವನ್ನು
ಮಧುರ ಮೈತ್ರಿಗೆ ಮನ ತೆರೆದಿರುವೆನು

ಮಂಜು ಮುಸುಕಿದ ಮುಂಜಾವಿನಲಿ
ಚಟಪಟನೆ ಸುರಿವ ಮಳೆಹನಿಗೆ ತೆರೆದು
ಎದೆಯೊಡ್ಡಿ ನಿಂತಿರುವೆ ಪ್ರಕೃತಿಗೆ ತಲೆಬಾಗಿ
ನಲ್ಮೆಯ ಸ್ವಾಗತ ನಿನ್ನ ಬರುವಿಗಾಗಿ

ಕನಸು ಮನಸ್ಸಿನಲ್ಲೂ ಗೆಳೆಯ ನಿನ್ನ ಧ್ಯಾನ
ನಿನ್ನ ಮೋಹಕ ಚೆಲುವಿಗೆ ಮೆಚ್ಚಿತೀ ಮನ
ಚೆಲುವಿಗಿಂತಲೂ ಸ್ವಚ್ಛ ನಿನ್ನಯ ಮನವು
ಹಚ್ಚ ಹಸುರಿನ ಸೊಬಗಂತೆ ನಿನ್ನಿರುವು

ಬಣ್ಣನೆಗೆ ಸಿಗದ ಹೃದಯ ಶ್ರೀಮಂತಿಕೆ
ಸೋತು ತಲೆಬಾಗಿ ನಿಂತೆ ಮಧುರ.ಸ್ನೇಹಕೆ
ಇರಬಹುದೇ ನಮ್ಮೊಲವು ಜನುಮದ.ಬಂಧ?
ಸಗ್ಗದ ಸಿರಿ ಸ್ನೇಹ ಬೆಸೆದ.ಸಂಬಂಧ..!!

ಚೈತ್ರ ತಂದ ಚಿಗುರಿನ ಹಾಗೆ ನಿನ್ನ ಸ್ನೇಹ
ಅಂಕುರಿಸಿದೆ ಮನದೆ ನಿನ್ನ ಮೇಲಿನಿತು ಮೋಹ
ನಿತ್ಯ ನೂತನ ನಮ್ಮೀ ಪ್ರೇಮದನುಸಂಧಾನ
ಮೇಳೈಸಿದೆ ಮನದೊಳಗೆ ಸಂಭ್ರಮದ ತೊಂತನನ

             ಶೈಲೂ.......

Comments

Post a Comment

Popular posts from this blog

341, ಜಾನಪದ ಶೈಲಿ ಕವನ

Image
#ಜಾನಪದ_ಶೈಲಿ_ಕವನ #ಶೀರ್ಷಿಕೆ #ಹಳ್ಳಿಯಲ್ಲಿ_ಅರಳಿದ_ಮಲ್ಲೇ ಏನ್ ಚಂದ ಕಾಣ್ತೀ ಹುಸಿ ನಗೆಯ ಗರತಿ ಅಂದಾಕೆ ಒಡತಿಯೇ ನೀನು|| ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ಹುಬ್ಬು ಕಾಮನಬಿಲ್ಲು ಲಜ್ಜೆಯಾ ಕಣ್ಣುಗಳು ಚಂಚಲ ನೋಟವಿಲ್ಲ||ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ನಾಗರ ಜಡೆಯನ್ನ ಎತ್ಕಟ್ಟಿ ತುರುಬನ್ನ ಘಮ್ಮೆನ್ನೋ ಮಲ್ಲಿಗಿ ಮುಡಿದು||ಓ ಹೆಣ್ಣೇ| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದುಂಡಾದ ಮುಖದಲ್ಲಿ ಸೇಬಂತಾ ಕದಪಲ್ಲಿ ನಾಚಿಕೆ ಹರಡೈತೆ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದೇವತೆ ಕಳೆ ಐತಿ ಮುಗೀಬೇಕು ಕೈಯೆತ್ತಿ ನೀಯಾರ ಮನೆಯ ದೀಪ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ..      ಶೈಲಜಾ ರಮೇಶ್
Read more

278 ನಮೋ_ಸಂತ_ಯಮನೂರೇಶ

Image
#ಚಿತ್ರಕಾವ್ಯ_ಅಭಿಯಾನ_೩೦ #ನಮೋ_ಸಂತ_ಯಮನೂರೇಶ ಪುರದಾಳದಲುದ್ಭವಿಸಿದ ಪುಣ್ಯಪುರುಷ ಅಪಾರ ಭಕ್ತವೃಂದವ ಗೆದ್ದ ಹೃದಯೇಶ ಸಾವಿರದ ತತ್ವ ಪದಗಳ ಮಹಾಜನಕ ಈತನದು ನಿಜನಾಮ ಯಮನೂರೇಶ.!! ಆಧುನಿಕ ತತ್ವ ಪದಗಳ ಹರಿಕಾರ ಸಾವಿರದ ಹಾಡುಗಳ ಸಂತ ಸರದಾರ ಅದ್ವೈತ ಭಾರ್ಗವನೀತ ಸಾರ್ಥಕ ಜೀವ ಈತನೇ ಯಮನೂರೇಶ ಬಿರಾದಾರ ಟೀಕಾತಾತ್ಪರ್ಯ ರಚಿತ ಟೀಕಾಚಾರ್ಯ ಬರೆದನೆಷ್ಟೋ ಮಹಿಮರ ಜೀವನ ಚಾರಿತ್ರ್ಯ ಅಂಕಿತ ನಾಮವದು ಭೀಮಾಶಂಕರ ಯಮನೂರೇಶ ಶರಣ ಸಂತತಿಯ ಪಾವಿತ್ರ್ಯ ತಿದ್ದಿದರು ತತ್ವಪದದಲೇ ಜಗವ ಸಾಹಿತ್ಯ ಕ್ಷೇತ್ರದಲ್ಲಿ ಕಾಣುತ ಭವವ ಗುರುಗೀತಾಮೃತದಲಿಟ್ಟು ಜೀವನಸಾರ ಭವ್ಯ ಗೊಳಿಸಿದರೆಲ್ಲ ಶರಣರ ಭಾವ ದೇಸಿಮಾತಿನ ಧಾಟಿಯಲೇ ಪದ ಭಂಡಾರ ಕಲಿಸುತೆಲ್ಲರಿಗೆ ತಾನೂ ಕಲಿತ ಗುರುವರ್ಯ ಪದಗಟ್ಟಿನಲೇ ಅಧ್ಯಾತ್ಮ ಬೆರೆಸಿ ರಚಿಸಿದ ಅಗಣಿತ ಸಂತಶರಣ ಮನದ ತಾತ್ಪರ್ಯ ಅಸ್ತಮವಾದರು ಪುರದಾಳದ ರವಿ ಕಣ್ಣೀರಿಟ್ಟಿಹಳು ಅಗಲಿಕೆಗೆ ಭುವಿ ಶಿವನಡಿಯಲಿ ಲೀನವಾದ ಶಿವಾಚಾರ್ಯ ಮತ್ತೊಮ್ಮೆ ಉದ್ಭವಿಸಿ ಬನ್ನಿ ಸಂತ ಕವಿ       ಡಾ: B.N.ಶೈಲಜಾ ರಮೇಶ್
Read more

ಕವನ ಸಂಗ್ರಹ

[22/4/2019, 5:50 pm] Dr. B. N. Shylaja Ramesh: ಹಾರೈಕೆ... ಅರಿಕೆ *************** ಕೋರುವೇ ಶುಭಹಾರೈಕೆ ಹೊಸಬಾಳಿಗಡಿಯಿಟ್ಟ ದಿನಕೆ ನಲಿವು ಗೆಲುವಲಿ ಜೊತೆಯಾದ ನವ ಬಾಂಧವ್ಯ ಬೆಸೆದ ಕ್ಷಣಕೆ ಒಲಿದ ಮನವೆರಡು ಕಲೆತು ಸಂಸಾರ ನೊಗವ ಹೊತ್ತು ಬಾಳ ಹಾದಿಯ ಪಯಣ ಜೊತೆಗೂಡಿ ನಡೆದ ದಿನಕೆ ಸರಸವಿರಸಗಳನು ಗೆದ್ದು ನವಿರಾದ ಪ್ರೀತಿಯ ಹೊದ್ದು ಬಾಳ ನೌಕೆಯ ಪಯಣ ನಲಿದು ಸಾಗುವ.ದಿನಕೆ ಶೈಲೂವಿನ ಬಯಕೆಯಿದು ನಲ್ಮೆಯ ಹಾರೈಕೆಯಿದು ದುಃಖ ದುಮ್ಮಾನಗಳ ಮರೆತು ತುಂಬಿ ಬರಲಿ ಹೊಸತು ಸಂಭ್ರಮದ ದಿನವಿಂದು ದುಪ್ಪಟ್ಟಾಗಲಿ ಹರುಷ ಸವಿಯಬೇಕು ಪ್ರೀತಿ ಜೇನು ಅನಂತವಾಗಲಿ ರಸನಿಮಿಷ           ಶೈಲೂ..... [22/4/2019, 6:36 pm] Dr. B. N. Shylaja Ramesh: ಪ್ರೇಮ ಸಂಭಾಷಣೆ **************** ಎನಿತು ಚಂದವೇ ಸಖಿ ಮುಗ್ಧಸ್ನಿಗ್ದ ಸೌಂದರ್ಯ ನಕ್ಕರೂ ಕಾಣದಂತ ಮುಗುಳುನಗೆಯ ಮಾಧುರ್ಯ ಹೊಗಳಿದ್ದು ಸಾಕು ಕೃಷ್ಣ ನೀನೇ ಸೌಂದರ್ಯದ ಗಣಿ ನಿನ್ನ ಕಣ್ಣ ಕಾಂತಿಯಲ್ಲೇ ಅಡಗಿಹನು ದಿನಮಣಿ ಇಲ್ಲ ರಾದೇ ನೀನೇ ಚಂದ ಕದಪುಗಳಲಿ ಇಹ ಚಂದಿರ ಅರ್ಧ ತೆರೆದ ನಯನದಲೇ ಇಹುದು ತಾರಾ ಮಂದಿರ ಬಾಯಲ್ಲೇ ಅಡಗಿಸಿರುವೆ  ಚತುರ್ದಶ ಭುವನಲೋಕ ಅರಿಯಲಿ ಹೇಗೇಳು ನಿನ್ನ ಕೃಷ್ಣ ನಾನಾದೆ ಮೂಕ ಬಿಡು ಬಿಡು ಅದೆಲ್ಲ ಸಖಿ ಅರಿಯಲಾಗದ ನಿಗೂಢ ನಿನ್ನ ಸೌಂದರ್ಯ ಸೆಳೆತಕೆ ವಶವಾಗಿ ನಾ ಧಿಗ್ಮೂಢ ತುಂಟತನದ ನೋಟದಲ್ಲೇ ಸೆಳೆದು ಬಿಟ್ಟೆ ಮನಸ್ಸಸನ್ನ ಹೇಳಲೇನಿದೆ ...
Read more