186. ನನ್ನ ಕವಿತೆ

ವಿಶ್ವ ಕವಿತಾ ದಿನಕ್ಕೊಂದು ಕವಿತೆ😊

ನನ್ನ ಕವಿತೆ

*********

ನನ್ನ ಕವಿತೆ.....

 ಭಾವನೆಗಳ ಹೊರಹಾಕುವ ಸಾಧನ

ಮನದ ಮಾತಿನ ಮಾರ್ದನ

ಎಲ್ಲ ಸರಿಯಿದ್ದರೆ ಸುಗ್ರಾಸ ಭೋಜನ

ಭಾವಾಂತರಂಗದ ಭಾವನೆಗಳ ಕೂಜನ

ನನ್ನ ಕವಿತೆ.....

ಅಂತರಿಕ್ಷದಿಂದ ಹಾರಿಬಂದ ನಿಹಾರಿಕೆ

ಅಲ್ಲೊಂದು ಭಾವಗಳ ಝೇಂಕರಿಕೆ

ಪದಪದಗಳಲಿ ಭಾವಗಳ ಬೆಸೆದು

ಹೊಸೆದು ಪೋಣಿಸಿದ ಹೂ ಮಾಲಿಕೆ

ನನ್ನ ಕವಿತೆ......

ಭಾವಗಳ ಮೊಗೆಮೊಗೆದು ಸುರಿವ ಪಾತ್ರೆ

ನೋವಿನೆಳೆಯನು ಅಳಿಸಿ ನಗುತುಂಬುವ ಪಾತ್ರೆ

ಅಕ್ಷರಗಳಿಗೆ ಉಸಿರಿತ್ತು ಕುಣಿಸುವ ಆಟ

ಮನದಂಗಳದಲಿ ಭಾವನೆಗಳ ಕೂಟ

             ಶೈಲೂ......