111 ದಾರಿ

ದಾರಿ

ಬಾಳ ಹಾದಿಯಲಿ 

ತಂಪು ಸೂಸುವ ಸಾಲುಮರ

ಕೈಬೀಸಿ ಕರೆಯುತಿದೆ

ನಿಚ್ಚಳದ ಹಾದಿಯ ಹಂದರ

ಕ್ರಮಿಸುವಾಯಾಸವ ತೋರಗೊಡದ

ಸ್ವಚ್ಛ ಸುಂದರ ದಾರಿ

ಅಡೆತಡೆಗಳೇನೇ ಇದ್ದರೂ

ನಿಶ್ಚಯವಿರಲಿ ಸೇರುವ ಗುರಿ

ಒಬ್ಬೊಬ್ಬರದೊಂದೊಂದು

ಗುರಿಮುಟ್ಟುವ ತೀರ

ಸೇರುವ ಗಮ್ಯ ಸುಗಮವಾಗಲಿ

ಆಗದಂತೆ.ಬಹು ಭಾರ

ನಡೆವ ದಾರಿಯಲಿ ಸೋಲುಗೆಲುವಿನ

ತಿರುವುಗಳು ಸಹಜ

ಜಾಣ್ಮೆಯಿಂದ  ಸರಿಸಿ

ಸಹನೆಯಿಂದ ಸಾಗಬೇಕು ಮನುಜ

ರಮ್ಯ ಮನೋಹರ , ಸಮರಸದ

ಭಾವೈಕ್ಯದ ನಡಿಗೆ

ಇಲ್ಲದಿದ್ದರೆ ಎಡರು ತೊಡರುಗಳು

ನಡಿಗೆಯಲ್ಲಿ ಅಡಿಗಡಿಗೆ

ಎನಿತು ಮಂದಿ ಸಾಗಿಹರೋ

ಗಮ್ಯ ಅರಸುತ ಈ ದಾರಿಯಲಿ

ಕ್ರಮಿಸಬೇಕು ನಾವೂ ಉನ್ನತಿಯೆಡೆಗೆ

ಭವಬಂಧನವ ಕಳಚುತಲಿ

ಅದೆಷ್ಟು ಜನರ ಬಾಳ ಹಾದಿಗೆ

ಸಾಕ್ಷಿ ಯಾಯಿತೋ ಈ ಕಾನನದ ದಾರಿ

ನಡೆವ ಮನುಜರಿಗೆಲ್ಲ ಸ್ಪಷ್ಟ ಸುಗಮ

ಸ್ವಚ್ಛ ಹಾದಿಯ ತೋರಿ

           ಶೈಲೂ.....