ಸಾಗುತ್ತಿದೆ ನೀರಿನೊಂದಿಗೆ ಮೇನೆ
ಸೋನೆ ಮಳೆಯ ನವಿರಾದ ಸುರಿತ
ಮನದಲ್ಲಿ ಹರುಷದ ಥಕದಿಮಿತ
ಸುರಿವ ಮಳೆಯಲ್ಲಿ ನೆನೆವ ಮಜಾ
ತಂಗಾಳಿ ಜೋಗುಳದ ನಲ್ಮೆಯ ಸಜಾ
ಎಡೆಬಿಡದೆ ಸುರಿವ ಹನಿ ಮಳೆಯಲ್ಲಿ
ತಂಪಾದ ಭೂತಾಯಿಯ ಮಡಿಲಲ್ಲಿ
ಪಲ್ಲವಿಸಿದೆ ಹೊಸ ಚಿಗುರಿನ ಸಾಲು
ಎತ್ತ ನೋಡಿದರತ್ತ ಹಸಿರಿನದೇ ಪಾಲು
ಮೆಲ್ಲ ಸುರಿಯುತ್ತ ಮೇಳೈಸಿದೆ ಸೋನೆ
ಸಾಗುತ್ತಿದೆ ನೀರಿನೊಂದಿಗೆ ಬದುಕ ಮೇನೇ
ಮುಳುಗದಂತೆ ತೇಲಿಸುವ ಹೊಣೆ ನಮ್ಮದು
ಸಾಮರಸ್ಯದ ಬದುಕ ಸಾಗಿಸುವ ಗುರಿ ನಮ್ಮದು
ಶೈಲೂ....
Comments
Post a Comment