355 ಗಝಲ್

ಗಝಲ್

#ಮಿಡಿತಗಳ_ಅರಿಯದ_ಹೃದಯ_ಮನಸುಗಳ_ತೊರೆವುದೇಕೆ

 ಮಿಡಿತಗಳ ಅರಿಯದ ಹೃದಯ ಮನಸುಗಳ ತೊರೆವುದೇಕೆ ಹೇಳು?

ಎದೆಬಡಿತ ನಿಂತರೂ ಕನಸುಗಳ ತೆರೆವುದೇಕೆ ಹೇಳು?

ನನಸಾಗದ ಆಸೆಗಳಲಿ ಜೀವ ಮಿಳಿತವಾದದ್ದೇಕೋ ಕಾಣೆ

ಬೇಡವೆಂದು ಹಿಂದೆ ಸರಿದರೂ ಅಭಿಲಾಷೆ ಕರೆವುದೇಕೆ ಹೇಳು?

ನಿನ್ನೊಲವ ಸಾಂಗತ್ಯದಲಿ ನೋವುಂಡು ನಿಟ್ಟುಸಿರಿಟ್ಟದ್ದೇ ಬಹಳ

ಕೇಳದಾಗಿದೆ ತನುವು ಸದಾ ಪ್ರಿಯ ನಾಮ ಜಪಿಸುವುದೇಕೆ ಹೇಳು?

ಆಶಿಸಿರಲಿಲ್ಲ ಎಂದೂ ಬಾಳಿಗೆ ಮುಳ್ಳಾಗಿ ಕಾಡುವುದೆಂದು

ಮರೆತೆಲ್ಲ ದುಃಖವನು ನಲಿವಲಿ ಪ್ರೇಮ ಹಿಂದ್ಹಿಂದೆ ಬರುವುದೇಕೆ ಹೇಳು?

ಶೈಲಳಾಂತರ್ಯದಲಿ ಮಡುಗಟ್ಟಿದೆ ತೀರದ ಕಣ್ಣೀರ ವ್ಯಥೆಯ ಕಥೆ

ಮನ್ನಿಸುತ್ತೆಲ್ಲ, ಅಪ್ಪಿ ಹಾರೈಸುವ ಬಯಕೆ ಕಾಡುವುದೇಕೆ ಹೇಳು?

        ಶೈಲಜಾ ರಮೇಶ್