353ಅಮ್ಮ

ಎಲ್ಲಾ ಅಮ್ಮಂದಿರಿಗೂ ವಿಶ್ವ ಅಮ್ಮಂದಿರ ದಿನದ ಶುಭಾಶಯಗಳು💐💐💐

#ಅಮ್ಮ

ಅಮ್ಮ ಎಂಬ ಬೃಹತ್

ಆಲದ ಮರದಡಿಯಲ್ಲಿ

ನಾನೊಂದು ಪುಟ್ಟ ಚಿಗುರು

ಕ್ಷಣಕ್ಷಣವೂ ಕಾಪಿಡುವ

ಆ ನಿಸ್ವಾರ್ಥ ಮೂರ್ತಿಗೆ

ದೇವನಿಟ್ಟ ಅಮ್ಮಾ ಎಂಬ ಹೆಸರು

ಅದೆಷ್ಟು ಕಷ್ಟಗಳ ಸಹಿಸಿ

ದಹಿಸಿ ಹೋಗುತ್ತಿದ್ದರೂ

ನಗುವೇ ಅವಳ ಬಂಡವಾಳ

ಕ್ಷಣಕ್ಷಣವೂ ಬೇಸತ್ತು ಬಳಲಿ

ಬೆಂಡಾದರೂ ಅರಿಯಲಿಲ್ಲವಳ ಅಂತರಾಳ

ತಾನುಂಡಳೋ ಇಲ್ಲವೋ

ಮನೆ ಮಂದಿಯ ಹಸಿವೆ

ನೀಗಿಸುವ ಅಮ್ಮ ಅನ್ನಪೂರ್ಣೆ

ನೂರು ನೋವಿತ್ತವರನೂ

ಕ್ಷಮಿಸಿ ಆದರಿಸುವ ಅಮ್ಮ

ದೈವದಂತವಳು ಸದಾಪೂರ್ಣೆ

ಕರುಳಕುಡಿಯ ಕಾಪಿಡಲು

ಉತ್ತಮ ವ್ಯಕ್ತಿತ್ವ ರೂಪಿಸಲು

ಅಮ್ಮನೇ ಮುಖ್ಯ ಪಾತ್ರಧಾರಿಣಿ

ಮೊದಲ ಗುರುವಾಗಿ ಕಲಿಸಿ

ಅಕ್ಕರಗಳ ತಿದ್ದಿತೀಡಿ ಬೆಳೆಸಿ

ಎತ್ತೆತ್ತರಕ್ಕೆ ಬೆಳೆಯಲಿವಳು ಸೂತ್ರಧಾರಿಣಿ

ಪದಗಳುಂಟೆ ಬಣ್ಣಿಸಲವಳ

ಅದಾವ ಪದಗಳಿಗೂ ನಿಲುಕದ

ಅಮ್ಮನದು ನಿಜದಿ ಮೇರು ವ್ಯಕ್ತಿತ್ವ

ಬರೀ ದೇವತೆಯಲ್ಲವಳು

ಆ ದೇವರಿಗಿಂತಲೂ ಮಿಗಿಲು

ವರ್ಣನೆಗೂ ನಿಲುಕದವಳ ಶುದ್ಧ ಮಾತೃತ್ವ

     ಡಾ: B.N.ಶೈಲಜಾ ರಮೇಶ್