301ಕರೆಯದೇ ಬರುವ ಬಂಧುವೀ ಪ್ರೀತಿ

ಸಾಲಿಗೊಂದು ಕವನ ##
ಕರೆಯದೇ ಬರುವ ಬಂಧುವೀ ಪ್ರೀತಿ
******************************

ನಾನೇನೂ ಬಯಸಿರಲಿಲ್ಲ
ಕನಸುಮನಸಲೂ ಎಣಿಸರಲಿಲ್ಲ
ಅದ್ಹೇಗೆ ಹುಟ್ಟಿತೋ ಒಲವು
ನಿನ್ನನುರಾಗವೇ ನನಗೆ ಬಲವು

ನಿನ್ನಂದ ಚಂದ ಕಂಡಿರಲಿಲ್ಲ
ಸಿರಿತನ ಬಡತನದರಿವಿರಲಿಲ್ಲ
ಅದ್ಹೇಗೆ ಬಂದಿತೋ ಪ್ರೀತಿ
ಅರಗಳಿಗೆಯೂ ಬಿಟ್ಟಿರದ ರೀತಿ

ಜಾತಿ ಮತದ ಅರಿವಿರಲಿಲ್ಲ
ಕುಲಗೋತ್ರ ಗಣನೆಗೆ ಇಲ್ಲ
ಅದ್ಹೇಗೆ ಅರಳಿತೋ ಪ್ರೇಮ
ನಮ್ಮೊಲವಲಿಹುದು ನಿಷ್ಕಾಮ

ಸರಿದ ಸಮಯದ ಅರಿವಿಲ್ಲ
ನಿನ್ನೊಡನಾಟವೇ ಸಿಹಿ ಬೆಲ್ಲ
ಅದ್ಹೇಗೆ ಕಳೆಯಿತೋ ವರುಷ
ಮರೆಯಲಾಗದ ರಸನಿಮಿಷ

ಕರೆಯದೇ ಬರುವ ಬಂಧುವೀ ಪ್ರೀತಿ
ಕುರುಡಲ್ಲವಿದು ನಿಜದೊಲವ ರೀತಿ
ಹಂಚಿದಷ್ಟೂ ವಿಸ್ತಾರ ಬಾನಗಲದಂತೆ
ಮನವೊಪ್ಪಿರೆ ಸ್ವರ್ಗ ಧರೆಗಿಳಿದಂತೆ

ಮೊಗೆದಷ್ಟೂ ಬತ್ತದ ಪ್ರೀತಿಯೊರತೆ
ಬರದಿರಲೆಂದಿಗೂ ಒಲವಿಗೆ ಕೊರತೆ
ನೀ ನನಗಾಗಿ, ನಾನೆಂದಿಗೂ ನಿನಗೆಂದೇ
ತನ್ನವರೆಲ್ಲರ ತೊರೆದು ನಾ ಬಳಿಬಂದೆ

ಇರಲೆಂದಿಗೂ ಗೆಳೆಯ ಹೀಗೇ ಪ್ರೀತಿ
ದೇಹದೊಳು ಉಸಿರು ಬೆರೆತ ರೀತಿ
ಉಕ್ಕಿ ಹರಿಯಲಿ ನಿತ್ಯ ಸ್ನೇಹ ಸಿಂಧು
ಬಾಳ ದೋಣಿ ಆಗ ಸರಾಗ ಸಾಗುವುದು

              ಶೈಲೂ......

Comments

Post a Comment

Popular posts from this blog

ನನ್ನ ಕವನಗಳು

[9/18, 4:25 PM] Dr || B.N. Shylaja Ramesh: ಬಂದ ಆನಂದದಿಂದ ಎನ್ನೊಡೆಯ ಬಂದ ಪರಮಾನಂದ ತಂದ ಶ್ರೀ ಕೃಷ್ಣ ಮುಕುಂದ ಕೊಟ್ಟಿದ್ದನ್ನ ಭಕ್ತಿಯಿಂದ ಪ್ರೀತಿಯಿಂದಲಿ.ತಿಂದ ಆಯಿತು ಮನಕಾನಂದ ಶ್ರೀ ಗೋವಿಂದ ತಂದ ಭಕ್ತಿಯಾ ಬಂಧ ಭಕ್ತಿಯಲೆಯಲಿ ತೇಲಿಸಬಂದ ನಿಜಭಕ್ತಿಗೆ ನಾ ನೊಲಿಯುವೆನೆಂದ ಇಂದು ನಾ  ನಿನ್ನವನೆಂದ ಇಂದಾಯಿತೇನಗೆ  ಅಮಿತಾನಂದ ಶ್ರೀಹರಿ ಗೋವಿಂದ ನಾಮವೇ ಚಂದ ಭಜಿಸುತ್ತಿದ್ದೇನವನ  ಸಂಭ್ರಮದಿಂದ                              ಶೈಲೂ....... [9/18, 4:25 PM] Dr || B.N. Shylaja Ramesh: ಇಂದೆನ್ನ ಮನೆಗೆ  ಕೃಷ್ಣಯ್ಯ ಬರುತ್ತಾನೆ ನನ್ನೆಲ್ಲ ಭಾಂಧವರೆ ನೋಡಬನ್ನಿ ಹಸುವಿನಾ ನೊರೆಹಾಲು ಹಸನಾದ ಮೊಸರ್ಬೆಣ್ಣೆ ಅವನಿಗಾಗಿ ತಂದಿರುವೆ ಕದ್ದು ತಿನ್ನುತ್ತಾನಂತೆ ನೋಡಬನ್ನಿ ಕೊರಳಲ್ಲಿ ಕೌಸ್ತುಭ ಕೈಯಲ್ಲಿ ಕೊಳಲು ಕಾಲ್ಗೆಜ್ಜೆ ರಿಂಗಣವ  ಕೇಳಬನ್ನಿ ಅಂಬೆಗಾಲಿಡುತ್ತಾ ಮುದ್ದುಗರೆವುತ ಬರುತ್ತಾನೆ ಮುದದಿಂದವನ  ನೋಡಬನ್ನಿ ವನದ ಸೀಬೆಹಣ್ಣು, ಅಡವಿ ಕಾರೇಹಣ್ಣು ಮರದ ನೆರಳೆಹಣ್ಣು ಅವನಿಗಿಷ್ಟವಂತೆ  ಕೇಳಬನ್ನಿ ಅವನಿಗಿಷ್ಟದ್ದೆಲ್ಲ  ಜೋಪಾನಮಾಡಿಟ್ಟಿ ರುವೆ ಈಗ ತಿನ್ನುತ್ತಾನೆ  ನೋಡಬನ್ನಿ ಚಕ್ಕುಲಿ ಮುಚ್ಚೋರೆ  ಕರಿದ ಆವಲಕ್ಕಿಯ  ಮುದದಿಂದ  ಮಾಡಿರುವೆ  ನೋಡಬನ್ನಿ ತರತರದ ಉಂಡೆಗಳು ಜೊತೆಗೆ ಸಿಹಿ ಅವಲಕ್ಕಿ ಕಡೆದು ಮಾಡಿದ ಬೆಣ್ಣೆ  ಭಕ್ತಿಯಲಿ ಮಾಡಿರುವೆ  ನೋಡಬನ್ನಿ ಪುಟ್ಟ ಹೆಜ್ಜೆ ಇಡುತ, ಸದ್ದು ಮಾಡಿ ಮನೆಯಲ್ಲಿ ಮುದ್ದು ಮುಖವ ಸ್ಪಷ
Read more

ಜಡೆಕವನ#ಸೋರುತಿಹುದು_ಮನೆಯ_ಮಾಳಿಗೆ

Image
#ಜಡೆಕವನ #ಸೋರುತಿಹುದು_ಮನೆಯ_ಮಾಳಿಗೆ ಸೋರುತಿಹುದು ಮನೆಯ ಮಾಳಿಗೆ ಮಾಳಿಗೆಯಲ್ಲಲ್ಲಲ್ಲಿ ಬಿರುಕು ಬಿಟ್ಟು ಬಿಟ್ಟ ಬಿರುಕಲ್ಲಿ ಮಳೆಯ ನೀರು ನೀರು ಧೋ ಎಂದು ಸೋರಿ ಸೋರಿ ಸೋರಿ ತಾ ನೆನೆದೆಲ್ಲಾ ಒದ್ದೆ ಮುದ್ದೆ ಮುದ್ದೆಯಂತೆ ಮುದುರಿ ಮೂಲೆಯಲಿ ಕುಳಿತು ಕುಳಿತೆ ಮಾಡಲೇನೆಂದು ಚಿಂತಿಸುವ ಚಿಂತೆ ಹತ್ತಿ ಮನಕೆ ಎಲ್ಲವೂ ಘೋರ ಘೋರ ಈ ಬದುಕು ಬಲು ಭಾರ ಭಾರವೆಂದು ಕುಳಿತರಾದೀತೇ ಹೇಳು? ಹೇಳು, ಭರವಸೆಯಲ್ಲಿದೆ ತಾನೇ ಬಾಳು? ಬಾಳಲು ಬೇಕು ಉತ್ಸಾಹ ಮನದಿ ಮನಸ್ಸಿದ್ದರೆ ತಾನೇ ಮಾರ್ಗ ಕೇಳು ಕೇಳು ಧೈರ್ಯದಿಂದ ಎದ್ದು ನಿಲ್ಲು ನಿಲ್ಲದೇ ತಕ್ಷಣ ಕಾರ್ಯತತ್ವರ ಆಗು ಆಗದೇ? ಸರಿಪಡಿಸಲು ಮಾಳಿಗೆ ಮಾಳಿಗೆಗೆ ಕಾಂಕ್ರೀಟ್ ತೇಪೆ ಹಾಕಿ ಹಾಕು ಸಧೃಡ ಮೇಲ್ಮಚ್ಚಿನ ಹೊದಿಕೆ ಹೊದಿಕೆ ಬರುವುದು ಭಾರೀ ಬಾಳಿಕೆ ಬಾಳಿಕೆ ಬರುವುದು ಇನ್ನೆಲ್ಲಿ ಸೋರಿಕೆ? ಸೊರಲಾರದೆಂದೂ ಆ ಮನೆಯ ಮಾಳಿಗೆ             ಶೈಲೂ......
Read more

80. ಆಶಾವಾದ

Image
ಆಶಾವಾದ ********** ಸೋತೆವೆಂದು ಕಂಗೆಟ್ಟು ಕುಳಿತರೆ ಹೇಗೆ..? ಬತ್ತಿ ಹೋದಾವು ಆಸೆ ಮುಚ್ಚೀತು ಬದುಕುವ ಬಗೆ.. ಗೆಲುವ ನಶೆಯೇರಿಸಿ ಬಾಗದೆ ಬೀಗಿದರೆ ಹೇಗೆ..? ತಲೆಗೇರಿ ಮತ್ತು.. ಬಿದ್ದೀಯ ಜೋಕೆ..! ಸೋಲು ಪಾಠವಾಗಬೇಕು ತಪ್ಪಿನ ಅರಿವು ಮೂಡಿಸಿ ಗೆಲುವು ಸ್ಪೂರ್ತಿಯಾಗಬೇಕು ಬದುಕಲು  ಛಲವ ಬೆರೆಸಿ ಬದುಕೊಂದು ಜೋಕಾಲಿ ಏರಿಳಿತಗಳ ಗಮನವಿರಲಿ ಒಮ್ಮೆ ಮೇಲೆ, ಮತ್ತೊಮ್ಮೆ ಕೆಳಗೆ ಒಮ್ಮತವಿರಲಿ ಸೋಲು ಗೆಲುವಿಗೆ ಏರುವ ಹುಮ್ಮಸ್ಸಿನಲ್ಲಿ ಬಾಳಿಗಾನಂದವಿರಲಿ ಇಳಿಯುವ ಕಂಪನದಲಿ ಸಂಭಾಳಿಸುವ ಕಲೆಯಿರಲಿ ಸೋಲು ಗೆಲುವಿನ ಆಟ ಇದು ಬಾಳಿನ ಪರಿಪಾಠ ಹಿಗ್ಗದೆ ...ಕುಗ್ಗದೆ ನಡೆದರೆ ಬದುಕು ಸಂತಸದ ಕೂಟ              ಶೈಲೂ.....
Read more