ಜೀವಾವಧಿ ಶಿಕ್ಷೆ

ಜೀವಾವಧಿ ಶಿಕ್ಷೆ

**************

ಮನದ ಬಾಗಿಲ ಮುರಿದು

ಅಡಿಮೇಲೆ ಅಡಿಯಿಟ್ಟು

ಯಾರಿಗೂ  ಕಾಣದ ತೆರದಿ

ಮೆಲ್ಲನೆ ಒಳನುಸುಳಿ

ಮೈಮನವನಾಕ್ರಮಿಸಿ

ಕದ್ದಿಹೆ  ಎನ್ನಯ  ಚಿತ್ತ....

ಕಳೆದುಕೊಂಡಿಹೆ ನಾ

ಬೆಲೆಬಾಳುವ ಮನವ

ಎಲ್ಲೆಲ್ಲಿ ಹುಡಿಕಿದರೂ

ಅದರ ಸುಳಿವೇ ಇಲ್ಲ

ಕದ್ದಿರುವೆ.. ನೀ.. ಕಳ್ಳ..

ಎನ್ನ  ಹೃನ್ಮನವನ್ನು....

ಎನ್ನ ಹೃನ್ಮಂದಿರದಲಿದ್ದ

ಭಕ್ತಿಯ ನವನೀತವನು

ಕದ್ದು ಮೆದ್ದಿಹ  ಚೋರ

ಶಿಕ್ಷೆ ಯ ಬಲ್ಲೆಯೇನು.?

ಅಪರಾಧ  ಚಿಕ್ಕದೇನು.?

ಕದ್ದಿರುವೆ ಮನವನ್ನು....

ಪ್ರೀತಿಯ ಬೇಡಿಯ ತೊಡಿಸಿ

ಭಾವಗಳಲಿ  ಬಂಧಿಸಿ

ಮನದ ಕಾರಾಗೃಹದೇ

ನಿನಗೆ.ಜೀವಾವಧಿ ಶಿಕ್ಷೆ..!

ಬಿಡುಗಡೆಯ  ಮಾತಿಲ್ಲ

ಈ ತನುವ  ಕೊನೆವರೆಗೆ..!!

            ಶೈಲೂ.....