ಬೋಳು ಮರದ ಸ್ವಗತ😊

ಸಹೋದರ ಚಂದ್ರಕಾಂತ್ ಜಿಡ್ಡಿಯವರು ಕೊಟ್ಟ  ಈ  ಚಿತ್ರಕ್ಕೆ ನನ್ನದೊಂದು ಕವನ😊

ಬೋಳು ಮರದ ಸ್ವಗತ😊

ಇದೆಂಥಾ ಬಂಧ.!!
***************
ಬದುಕು ಸಾಕಾಯಿತಿನ್ನೆಂದು
ಒಣಗಿ ಕೊರಡಾಗಿ ನಿಂತೆ
ಬೀಳಲೂ ಬಿಡರಲ್ಲವಿಲ್ಲಿ
ಬಂಧಿಸಿರುವ ಬಳ್ಳಿಗಳು..!

ಬೆಳೆದು ನಿಂತಿದ್ದೆ ಅಂದು
ಗಗನವನೆ ಚುಂಬಿಸುವಂತೆ
ಬಳಲಿದವರಿಗಾಶ್ರಯವಾಗಿ
ಮೈತುಂಬ ಹಸಿರು ಹೊದ್ದು.!

ಅದೆಷ್ಟೋ ಪಕ್ಷಿ ಸಂಕುಲದ
ಸಂತಸದ ಕಲರವದ ನಿನಾದ
ಗೂಡುಕಟ್ಟಿ ಹಾಡಿದ್ದ ಜೋಗುಳದ
ದ್ವನಿಗೆ ಕಿವಿಯಾಗಿದ್ದೆ ನಾನು.!

ಹಸಿದು ದಣಿದು ಬಂದಿದ್ದ ಅದೆಷ್ಟು
ಜೀವ ಸಂಕುಲಕ್ಕೆ ನೆಳಲನಿತ್ತು
ನನ್ನೊಡಲಲ್ಲಿ ಮೊಳೆತ ಹಣ್ಣುಗಳ
ಅಕ್ಕರೆಯಲಿ ಉಣಬಡಿಸಿದ್ದೆ ನಾನು.!

ಒಂಟಿಯಾಗಿ ನಿಲ್ಲಲಾರದ ಬಳ್ಳಿಗೆ
ತಬ್ಬಿ ಹಬ್ಬಲು ಆಶ್ರಯವ ನೀಡಿದ್ದೆ
ಪ್ರಾಣಿಸಂಕುಲಕೂ ಹಚ್ಚ ಹಸಿರ
ಎಲೆಯನುಣಿನಸಿ  ತಾಯಾಗಿದ್ದೆ ನಾನು.!

ನಿಷ್ಕರುಣೆಯಲಿ ಕೊಡಲಿ ಮಚ್ಚನೆತ್ತಿ
ಕೊಚ್ಚಿದವರೆಷ್ಟೋ ಮಂದಿ ನನ್ನೆದೆಗೆ
ಅವರನ್ನೂ ಹರಸಿ ಉರುವಲಾಗಿ
ಉರಿದು ಸಹಾಯಹಸ್ತ ನೀಡಿದ್ದೆ ನಾನು.!

ಕೊಚ್ಚಿ ಕೊಂಡವರನೂ ಕರುಣೆಯಲಿ
ಮನೆಯ ಬಾಗಿಲಾಗಿ ಕಾಯ್ದಿದ್ದೆ ನಾನು
ಮನೆಮಂದಿಗೆಲ್ಲ ನೆರಳಾಗಿರಬಯಸಿ
ಮನೆಯ ಮಾಡಲ್ಲಿ ನಿಂತಿದ್ದೆ ನಾನು.!

ಹೀನ ಮಾನವನ ಪ್ರತಿಷ್ಠೆಯ
ಮೆರವಣಿಗೆಗೆ ನಾನೇ.ಬೇಕು
ಪೀಠೋಪಕರಣಗಳ ಒನಪಿನಲ್ಲಿ
ಅಲ್ಲಿಯೂ ಕುಳಿತವಗೆ ಆಧಾರ ನಾನು.!

ಕಷ್ಟಗಳನೆ ಮೈತುಂಬಿಕೊಂಡರೂ
ಸಂತೃಪ್ತಿಯ ಸಾರ್ಥಕತೆಯ ಬಾಳು.!
ಅಸನವಸನವಿತ್ತು  ಕಾಪಿಟ್ಟರೂ 
ಮನುಜ ನಿಲ್ಲಲಿಲ್ಲವೇಕೋ ನಿನ್ನ ಗೋಳು.!

ನಾ ಮಣ್ಣಲ್ಲಿ ಮಣ್ಣಾದರೂ ಗೆಲ್ಲುವೆ
ಗೊಬ್ಬರವಾಗಿಯಾದರೂ ನೆರವಾಗುವೆ
ನಿನ್ನ ಕುಲವನುದ್ಧರಿಸಲೋಸುಗ
ನನ್ನನೇ ಪಣವಿತ್ತು ಜೀವ ತೇಯುವೆ.!

ನನ್ನ ತ್ಯಾಗವ ನೀನರಿಯದಿದ್ದರೂ
ಅರಿತಿವೆ ನೋಡು ಈ ಲತೆಗಳು
ತಬ್ಬಿ ಹಬ್ಬಿ ಉರುಳದಂತೆ ತಡೆದಿವೆ..
ನಲ್ಮೆಯಲಿ.... ಇದೆಂಥಾ ಬಂಧಗಳು.!

              ಶೈಲೂ.......

Comments

Post a Comment

Popular posts from this blog

341, ಜಾನಪದ ಶೈಲಿ ಕವನ

Image
#ಜಾನಪದ_ಶೈಲಿ_ಕವನ #ಶೀರ್ಷಿಕೆ #ಹಳ್ಳಿಯಲ್ಲಿ_ಅರಳಿದ_ಮಲ್ಲೇ ಏನ್ ಚಂದ ಕಾಣ್ತೀ ಹುಸಿ ನಗೆಯ ಗರತಿ ಅಂದಾಕೆ ಒಡತಿಯೇ ನೀನು|| ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ಹುಬ್ಬು ಕಾಮನಬಿಲ್ಲು ಲಜ್ಜೆಯಾ ಕಣ್ಣುಗಳು ಚಂಚಲ ನೋಟವಿಲ್ಲ||ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ನಾಗರ ಜಡೆಯನ್ನ ಎತ್ಕಟ್ಟಿ ತುರುಬನ್ನ ಘಮ್ಮೆನ್ನೋ ಮಲ್ಲಿಗಿ ಮುಡಿದು||ಓ ಹೆಣ್ಣೇ| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದುಂಡಾದ ಮುಖದಲ್ಲಿ ಸೇಬಂತಾ ಕದಪಲ್ಲಿ ನಾಚಿಕೆ ಹರಡೈತೆ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದೇವತೆ ಕಳೆ ಐತಿ ಮುಗೀಬೇಕು ಕೈಯೆತ್ತಿ ನೀಯಾರ ಮನೆಯ ದೀಪ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ..      ಶೈಲಜಾ ರಮೇಶ್
Read more

278 ನಮೋ_ಸಂತ_ಯಮನೂರೇಶ

Image
#ಚಿತ್ರಕಾವ್ಯ_ಅಭಿಯಾನ_೩೦ #ನಮೋ_ಸಂತ_ಯಮನೂರೇಶ ಪುರದಾಳದಲುದ್ಭವಿಸಿದ ಪುಣ್ಯಪುರುಷ ಅಪಾರ ಭಕ್ತವೃಂದವ ಗೆದ್ದ ಹೃದಯೇಶ ಸಾವಿರದ ತತ್ವ ಪದಗಳ ಮಹಾಜನಕ ಈತನದು ನಿಜನಾಮ ಯಮನೂರೇಶ.!! ಆಧುನಿಕ ತತ್ವ ಪದಗಳ ಹರಿಕಾರ ಸಾವಿರದ ಹಾಡುಗಳ ಸಂತ ಸರದಾರ ಅದ್ವೈತ ಭಾರ್ಗವನೀತ ಸಾರ್ಥಕ ಜೀವ ಈತನೇ ಯಮನೂರೇಶ ಬಿರಾದಾರ ಟೀಕಾತಾತ್ಪರ್ಯ ರಚಿತ ಟೀಕಾಚಾರ್ಯ ಬರೆದನೆಷ್ಟೋ ಮಹಿಮರ ಜೀವನ ಚಾರಿತ್ರ್ಯ ಅಂಕಿತ ನಾಮವದು ಭೀಮಾಶಂಕರ ಯಮನೂರೇಶ ಶರಣ ಸಂತತಿಯ ಪಾವಿತ್ರ್ಯ ತಿದ್ದಿದರು ತತ್ವಪದದಲೇ ಜಗವ ಸಾಹಿತ್ಯ ಕ್ಷೇತ್ರದಲ್ಲಿ ಕಾಣುತ ಭವವ ಗುರುಗೀತಾಮೃತದಲಿಟ್ಟು ಜೀವನಸಾರ ಭವ್ಯ ಗೊಳಿಸಿದರೆಲ್ಲ ಶರಣರ ಭಾವ ದೇಸಿಮಾತಿನ ಧಾಟಿಯಲೇ ಪದ ಭಂಡಾರ ಕಲಿಸುತೆಲ್ಲರಿಗೆ ತಾನೂ ಕಲಿತ ಗುರುವರ್ಯ ಪದಗಟ್ಟಿನಲೇ ಅಧ್ಯಾತ್ಮ ಬೆರೆಸಿ ರಚಿಸಿದ ಅಗಣಿತ ಸಂತಶರಣ ಮನದ ತಾತ್ಪರ್ಯ ಅಸ್ತಮವಾದರು ಪುರದಾಳದ ರವಿ ಕಣ್ಣೀರಿಟ್ಟಿಹಳು ಅಗಲಿಕೆಗೆ ಭುವಿ ಶಿವನಡಿಯಲಿ ಲೀನವಾದ ಶಿವಾಚಾರ್ಯ ಮತ್ತೊಮ್ಮೆ ಉದ್ಭವಿಸಿ ಬನ್ನಿ ಸಂತ ಕವಿ       ಡಾ: B.N.ಶೈಲಜಾ ರಮೇಶ್
Read more

ಕವನ ಸಂಗ್ರಹ

[22/4/2019, 5:50 pm] Dr. B. N. Shylaja Ramesh: ಹಾರೈಕೆ... ಅರಿಕೆ *************** ಕೋರುವೇ ಶುಭಹಾರೈಕೆ ಹೊಸಬಾಳಿಗಡಿಯಿಟ್ಟ ದಿನಕೆ ನಲಿವು ಗೆಲುವಲಿ ಜೊತೆಯಾದ ನವ ಬಾಂಧವ್ಯ ಬೆಸೆದ ಕ್ಷಣಕೆ ಒಲಿದ ಮನವೆರಡು ಕಲೆತು ಸಂಸಾರ ನೊಗವ ಹೊತ್ತು ಬಾಳ ಹಾದಿಯ ಪಯಣ ಜೊತೆಗೂಡಿ ನಡೆದ ದಿನಕೆ ಸರಸವಿರಸಗಳನು ಗೆದ್ದು ನವಿರಾದ ಪ್ರೀತಿಯ ಹೊದ್ದು ಬಾಳ ನೌಕೆಯ ಪಯಣ ನಲಿದು ಸಾಗುವ.ದಿನಕೆ ಶೈಲೂವಿನ ಬಯಕೆಯಿದು ನಲ್ಮೆಯ ಹಾರೈಕೆಯಿದು ದುಃಖ ದುಮ್ಮಾನಗಳ ಮರೆತು ತುಂಬಿ ಬರಲಿ ಹೊಸತು ಸಂಭ್ರಮದ ದಿನವಿಂದು ದುಪ್ಪಟ್ಟಾಗಲಿ ಹರುಷ ಸವಿಯಬೇಕು ಪ್ರೀತಿ ಜೇನು ಅನಂತವಾಗಲಿ ರಸನಿಮಿಷ           ಶೈಲೂ..... [22/4/2019, 6:36 pm] Dr. B. N. Shylaja Ramesh: ಪ್ರೇಮ ಸಂಭಾಷಣೆ **************** ಎನಿತು ಚಂದವೇ ಸಖಿ ಮುಗ್ಧಸ್ನಿಗ್ದ ಸೌಂದರ್ಯ ನಕ್ಕರೂ ಕಾಣದಂತ ಮುಗುಳುನಗೆಯ ಮಾಧುರ್ಯ ಹೊಗಳಿದ್ದು ಸಾಕು ಕೃಷ್ಣ ನೀನೇ ಸೌಂದರ್ಯದ ಗಣಿ ನಿನ್ನ ಕಣ್ಣ ಕಾಂತಿಯಲ್ಲೇ ಅಡಗಿಹನು ದಿನಮಣಿ ಇಲ್ಲ ರಾದೇ ನೀನೇ ಚಂದ ಕದಪುಗಳಲಿ ಇಹ ಚಂದಿರ ಅರ್ಧ ತೆರೆದ ನಯನದಲೇ ಇಹುದು ತಾರಾ ಮಂದಿರ ಬಾಯಲ್ಲೇ ಅಡಗಿಸಿರುವೆ  ಚತುರ್ದಶ ಭುವನಲೋಕ ಅರಿಯಲಿ ಹೇಗೇಳು ನಿನ್ನ ಕೃಷ್ಣ ನಾನಾದೆ ಮೂಕ ಬಿಡು ಬಿಡು ಅದೆಲ್ಲ ಸಖಿ ಅರಿಯಲಾಗದ ನಿಗೂಢ ನಿನ್ನ ಸೌಂದರ್ಯ ಸೆಳೆತಕೆ ವಶವಾಗಿ ನಾ ಧಿಗ್ಮೂಢ ತುಂಟತನದ ನೋಟದಲ್ಲೇ ಸೆಳೆದು ಬಿಟ್ಟೆ ಮನಸ್ಸಸನ್ನ ಹೇಳಲೇನಿದೆ ...
Read more