ಕಾರ್ಮಿಕ ದಿನಾಚರಣೆ

#ಶೀರ್ಷಿಕೆ #ಕಾರ್ಮಿಕ_ದಿನಾಚರಣೆ

ಎಲ್ಲಾ ಶ್ರಮಿಕವರ್ಗಕ್ಕೂ ಕಾರ್ಮಿಕ ದಿನಾಚರಣೆಯ ಶುಭಾಶಯಗಳು💐💐💐💐

ಬಂಡವಾಳಶಾಹಿಗಳ ಹಿಡಿತದಲಿ

ದುಡಿವ ವರ್ಗವಿದು ನಿತ್ಯ ನರಳುತಲಿ

ಶೋಷಣೆಗೆ ಒಳಪಟ್ಟ ಶ್ರಮಿಕವರ್ಗ

ಸಿಡಿದು ನಿಂತಾಗ ಆಯ್ತು ಕಾರ್ಮಿಕ ಪರ್ವ

ಅನಿರ್ದಿಷ್ಟ ಅವಧಿಯ ದುಡಿತದ ಶ್ರಮ

ಶ್ರೀಮಂತರಿಗಾಗಿಯೇ ದುಡಿವ ಕರ್ಮ

ನಿರಂತರ ಶೋಷಣೆಯ ವಿರುದ್ಧ ಹೋರಾಟ

ಫಲನೀಡಿತ್ತು 8 ಗಂಟೆಗಳ ದುಡಿತದ ಹಠ

ಸರ್ಕಾರದ ಸ್ವಾಮ್ಯದಡಿಯ ಸಂಘಟಿತರು

ಖಾಸಗಿಉದ್ದಿಮೆಗಳಲಿ ದುಡಿವ ಅಸಂಘಟಿತರು

ನಿರ್ಧಿಷ್ಟ ಕೂಲಿಯದು ಗಗನ ಕುಸುಮ

ದಿನಗೂಲಿ ಲೆಕ್ಕದಲೂ ದುಡಿಮೆ ಅಸಮ

ಶೋಷಣೆಯಲೇ ಬದುಕುತ್ತಿರುವ ಕಾರ್ಮಿಕ ಸಂತ

ಅವರ ದುಡಿಮೆಯಲ್ಲಿ ದುಪ್ಪಟ್ಟಾದ ಶ್ರೀಮಂತ

ದುಡಿವವರು ದುಡಿದು ದುಡಿದೂ ಸೋಲು

ಶ್ರಮವಿತ್ತರೂ ಕೊನೆಗೆ ಹಸನಾಗಲಿಲ್ಲ ಬಾಳು

ಇರಬೇಕು ಕಾರ್ಮಿಕರಲಿ ಐಕ್ಯತೆಯ ಮಂತ್ರ

ಶ್ರಮಿಕರಿಗೆ ನೆರವಾಯ್ತು ಒಕ್ಕೂಟ ಸೂತ್ರ

ಬಂಡವಾಳಶಾಹಿ ವಿರುದ್ಧ ಕೂಗು ಹೋರಾಟ

ಕಾರ್ಮಿಕ ದಿನಾಚರಣೆ ಎಂಬ ಆವಿಷ್ಕಾರ

ದುಡಿದು ದುಡಿದೂ ಬಸವಳಿದ ಕಾರ್ಮಿಕ

ಇಂದೊಂದು ದಿನವಾದರೂ ವಿಶ್ರಾಂತಿ ಕಾಯಕ

ಅಮರವಾಗಲಿ ನಿಮ್ಮ ದುಡಿತದ ಫಲದ ಗದ್ದುಗೆ

ಜಯವಾಗಲೀ ಕಾರ್ಮಿಕ ದಿನಾಚರಣೆಯ ಹಾದಿಗೆ

                ಶೈಲೂ.....