66.ಜೀವನ ಪಯಣ

ಜೀವನ ಪಯಣ
*************

ತಾಯಿ ಗರ್ಭದಿಂದ ಬಂದಾಕ್ಷಣ
ಶುರುವಾಯ್ತು ಜೀವನ ಪಯಣ
ಅಂಬೆಗಾಲಿಟ್ಟು ನಗುವ ಹಾಲ್ಗೆನ್ನೆ ಕಂದ
ನಡಿಗೆ, ಮಾತು,ಕಲಿಕೆ,ಶುರು ಬಾಲ್ಯದಿಂದ

ಓದು ಬರಹ ಕಲಿತು ಮುಗಿಯಿತು ಬಾಲ್ಯ
ಜೀವನೋತ್ಸಾಹ ತುಂಬಿತು ಯೌವನ
ಕಲಿತು ಬೆಳೆಯಲೊಂದು ಶ್ರೇಷ್ಠ ವಿಧ್ಯೆ
ಬದುಕು ಸಾಗಿಸಲೊಂದು ನೌಕರಿ

ಆಕರ್ಷಿತ್ತು ಮನ ಪ್ರೀತಿ ಪ್ರೇಮದೆಡೆಗೆ
ಮನೆ, ಮಡದಿ ಸಂಸಾರದ ಕರೆಗೆ
ಮುದವಿತ್ತು ಕಳೆಸಿತ್ತು ಕಂದಮ್ಮನ ನಲ್ನುಡಿ
ಜೊತೆಗೆ ಸಾಕಿ ಸಲಹುವ ಜವಾಬ್ದಾರಿ

ಜೀವನದ ಏಳುಬೀಳುಗಳ ನಡೆಗೆ
ಮುಪ್ಪಾವರಿಸಿತ್ತು ಸವೆದ ದೇಹಕೆ
ತಪ್ಪು ಒಪ್ಪುಗಳ ನೆನೆದು ಮನವಾಗಿತ್ತು ಭಾರ
ತಪನೆ ಪರಿತಪನೆ ಕಾಲಯಾಪನೆ ದುಸ್ತರ

ತಾಯಗರ್ಭದಿಂದಿಳಿದು ನಲಿದು 
ನಲುಗಿ ಭೂಗರ್ಭ ಸೇರುವವರೆಗೂ
ನಿಲ್ಲದು ಈ.ಜೀವನ ಪಯಣ
ನೋವು ನಲಿವು ದುಃಖ ನಿರಾಶೆಗಳ ಯಾನ

         ಶೈಲೂ.......

Comments

Post a Comment

Popular posts from this blog

278 ನಮೋ_ಸಂತ_ಯಮನೂರೇಶ

Image
#ಚಿತ್ರಕಾವ್ಯ_ಅಭಿಯಾನ_೩೦ #ನಮೋ_ಸಂತ_ಯಮನೂರೇಶ ಪುರದಾಳದಲುದ್ಭವಿಸಿದ ಪುಣ್ಯಪುರುಷ ಅಪಾರ ಭಕ್ತವೃಂದವ ಗೆದ್ದ ಹೃದಯೇಶ ಸಾವಿರದ ತತ್ವ ಪದಗಳ ಮಹಾಜನಕ ಈತನದು ನಿಜನಾಮ ಯಮನೂರೇಶ.!! ಆಧುನಿಕ ತತ್ವ ಪದಗಳ ಹರಿಕಾರ ಸಾವಿರದ ಹಾಡುಗಳ ಸಂತ ಸರದಾರ ಅದ್ವೈತ ಭಾರ್ಗವನೀತ ಸಾರ್ಥಕ ಜೀವ ಈತನೇ ಯಮನೂರೇಶ ಬಿರಾದಾರ ಟೀಕಾತಾತ್ಪರ್ಯ ರಚಿತ ಟೀಕಾಚಾರ್ಯ ಬರೆದನೆಷ್ಟೋ ಮಹಿಮರ ಜೀವನ ಚಾರಿತ್ರ್ಯ ಅಂಕಿತ ನಾಮವದು ಭೀಮಾಶಂಕರ ಯಮನೂರೇಶ ಶರಣ ಸಂತತಿಯ ಪಾವಿತ್ರ್ಯ ತಿದ್ದಿದರು ತತ್ವಪದದಲೇ ಜಗವ ಸಾಹಿತ್ಯ ಕ್ಷೇತ್ರದಲ್ಲಿ ಕಾಣುತ ಭವವ ಗುರುಗೀತಾಮೃತದಲಿಟ್ಟು ಜೀವನಸಾರ ಭವ್ಯ ಗೊಳಿಸಿದರೆಲ್ಲ ಶರಣರ ಭಾವ ದೇಸಿಮಾತಿನ ಧಾಟಿಯಲೇ ಪದ ಭಂಡಾರ ಕಲಿಸುತೆಲ್ಲರಿಗೆ ತಾನೂ ಕಲಿತ ಗುರುವರ್ಯ ಪದಗಟ್ಟಿನಲೇ ಅಧ್ಯಾತ್ಮ ಬೆರೆಸಿ ರಚಿಸಿದ ಅಗಣಿತ ಸಂತಶರಣ ಮನದ ತಾತ್ಪರ್ಯ ಅಸ್ತಮವಾದರು ಪುರದಾಳದ ರವಿ ಕಣ್ಣೀರಿಟ್ಟಿಹಳು ಅಗಲಿಕೆಗೆ ಭುವಿ ಶಿವನಡಿಯಲಿ ಲೀನವಾದ ಶಿವಾಚಾರ್ಯ ಮತ್ತೊಮ್ಮೆ ಉದ್ಭವಿಸಿ ಬನ್ನಿ ಸಂತ ಕವಿ       ಡಾ: B.N.ಶೈಲಜಾ ರಮೇಶ್
Read more

341, ಜಾನಪದ ಶೈಲಿ ಕವನ

Image
#ಜಾನಪದ_ಶೈಲಿ_ಕವನ #ಶೀರ್ಷಿಕೆ #ಹಳ್ಳಿಯಲ್ಲಿ_ಅರಳಿದ_ಮಲ್ಲೇ ಏನ್ ಚಂದ ಕಾಣ್ತೀ ಹುಸಿ ನಗೆಯ ಗರತಿ ಅಂದಾಕೆ ಒಡತಿಯೇ ನೀನು|| ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ಹುಬ್ಬು ಕಾಮನಬಿಲ್ಲು ಲಜ್ಜೆಯಾ ಕಣ್ಣುಗಳು ಚಂಚಲ ನೋಟವಿಲ್ಲ||ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ನಾಗರ ಜಡೆಯನ್ನ ಎತ್ಕಟ್ಟಿ ತುರುಬನ್ನ ಘಮ್ಮೆನ್ನೋ ಮಲ್ಲಿಗಿ ಮುಡಿದು||ಓ ಹೆಣ್ಣೇ| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದುಂಡಾದ ಮುಖದಲ್ಲಿ ಸೇಬಂತಾ ಕದಪಲ್ಲಿ ನಾಚಿಕೆ ಹರಡೈತೆ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದೇವತೆ ಕಳೆ ಐತಿ ಮುಗೀಬೇಕು ಕೈಯೆತ್ತಿ ನೀಯಾರ ಮನೆಯ ದೀಪ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ..      ಶೈಲಜಾ ರಮೇಶ್
Read more

ನನ್ನ ಕವನಗಳು

ಕವನ ಸಂಗ್ರಹ[9/18, 4:14 PM] Dr || B.N. Shylaja Ramesh: 💐💐💐    ರಾಧೇ     💐💐💐 ****************************** *** ಲೋಕದ ಕಣ್ಣಿಗೆ  ರಾಧೆಯು ಕೂಡಾ ಎಲ್ಲರಂತೆ  ಒಂದು  ಹೆಣ್ಣು..... ಅವಳಂತರಂಗವ ಅರಿತವರಿಲ್ಲದೆ ಒದ್ದೆಯಾಯ್ತವಳ  ಕಣ್ಣು ...... ರಾಧೇ ಎಂದಾಕ್ಷಣ ಬರುವನು ಕೃಷ್ಣ ಎಲ್ಲರ ಮನಮಾನಸದಿ ಯಾರೂ ಅರಿಯರು ರಾಧೆಯ  ನೋವಾ ಒಳಗಿಹುದು  ಬಹು ಬೇಗುದಿ...... ಹಾಲಾಹಲವ ಒಡಲೊಳಗಡ ಗಿಸಿ ನಗುವಳು  ಹೂವಿನ ತೆರದಿ ಮುತ್ತಿದೆ  ಮನವಾ ಸಾವಿರ ನೋವು ಆದರೂ  ನಗುವಳು  ಮುದದಿ.... ಬಾರದ  ಕೃಷ್ಣನ  ದಾರಿಯ ಕಾಯುತ ಕುಳಿತಳು  ನಂದನ  ವನದಿ ಒಳಹೊಕ್ಕವಳ ಅಂತರಂಗವ,  ಕೃಷ್ಣಾ ನೀನಿಹೇ ಅಲ್ಲೇ ಚಂದದಿ.....           ಶೈಲೂ...... [9/18, 4:14 PM] Dr || B.N. Shylaja Ramesh: -: ಸತ್ತ ಮನದ ಕಳಕಳಿ :- ಶಾಂತ  ಮಾನಸ  ಸರೋವರ ಕದಡಿ ಕೆನ್ನೀರಾಗಿ ಹಳಸಿ ನಾರುತಿದೆ ಪಟಪಟನೆ ಸುರಿವ ವಾಗ್ಜರಿಗೆ ಮನಸು ಬೀಗ ಮುದ್ರೆಯನೊತ್ತಿದೆ ಸುಂದರ ಕನಸು ಕಾಣುವ  ಬೊಗಸೆ ಕಂಗಳು ತುಂಬಿದ ಕೊಳಗಳಾಗಿವೆ ಬಾನೆತ್ತರ , ಮುಗಿಲೆತ್ತರ ಕ್ಕೇರುವ ಮನಸು  ಗರಿಮುದುರಿ  ಮಲಗಿದೆ ಶುಧ್ಧ ಯೋಚನಾ ಲಹರಿಯು ಪ್ರಕ್ಷುಬ್ಧ ವಾಗಿದೆ ಪುಟ್ಟ  ಅನುಮಾನದ ಬೀಜ ಆಂತರ್ಯದಿ...
Read more