ನನ್ನಲಿ ನಾ ಕಂಡೆ ನಿನ್ನನ್ನೇ31

ನನ್ನಲಿ ನಾ ಕಂಡೆ ನಿನ್ನನ್ನೇ
********************

ಮನದ ಹೊತ್ತಿಗೆಯ ಪುಟಪುಟದಲೂ
ಬರೆದೆ ಹೇ ಕೃಷ್ಣ ನಿನ್ನದೇ ನಾಮ
ಉಸಿರುಸಿರ ಏರಿಳಿತದಲೂ ಕಂಡೆ
ಮದನಾಂತಕ ನಿನ್ನಿರುವ ಧಾಮ

ಬಾನಂಚಲಿ ತೇಲುವ ಕರಿಮುಗಿಲಲಿ
ಕಂಡೆ ಕೃಷ್ಣ ನಿನ್ನ ವದನದ ಚೆಲುವು
ನೀಲ ಮೇಘಗಳ ಸಂಘರ್ಷದಲಿ
ಕಂಡೆ ನಿನ್ನ ಕಣ್ಣ ಕಾಂತಿಯ ನಿಲುವು

ಎಳೆ ಬಿದಿರಿನ ಮೆಳೆಯಲಿ ಕಂಡೆ
ಮುರಳೀಧರ ನಿನ್ನ ಕೊಳಲಗಾನ
ನಲಿದು ನರ್ತಿಸುವ ನವಿಲಲಿ ಕಂಡೆ
ನಿನ್ನ ಹೆಜ್ಜೆಯುಲಿತದ ತೋಂತನನ

ಕ್ಷಣಕ್ಷಣದಲೂ ನಿನದೇ ನೆನಪಿರಲು
ನಾನೆಂಬುದಿನ್ನೆಲ್ಲಿ? ಎಲ್ಲೆಡೆಯು ನೀನೇ
ತನುಮನವೆಲ್ಲ ನಿನ್ನಲೇ ಬೆಸಗೊಂಡಿರಲು
ಹೇ ಕೃಷ್ಣ ನನ್ನಲಿ ನಾ ಕಂಡೆ ನಿನ್ನನ್ನೇ

ರಾಧೆಯೊಳು ಕೃಷ್ಣನೋ ಕೃಷ್ಣನಲಿ ರಾಧೆಯೋ
ಬೆರೆತುಹೋಗಿದೆ ರಾಧಾಂತರಂಗ
ಇಣುಕಿದೆಡೆಯೆಲ್ಲ ಅವನ ರೂಪವೇ
ಆವರಿಸಿಬಿಟ್ಟಿರುವ ಅಂತರಂಗ ಬಹಿರಂಗ

            ಶೈಲೂ......

Comments

Post a Comment

Popular posts from this blog

197 ತವರ ಸೆಳೆತ

Image
ತವರ ಸೆಳೆತ *********** ಕಣ್ಮುಚ್ಚಿದರೆ ನನ್ನ ಅಮ್ಮ ಬರುವಳು ಮುಂದೆ ಅಪ್ಪನದೆ ನೆನಪು ಮನಸ್ಸಿನೊಳಗೆ ಇಷ್ಟು ವರ್ಷವಾದರೂ ಮರೆತಿಲ್ಲ ತವರ ಕಟ್ಟಿಹುದು ಕಣ್ಮುಂದೆ ಚಿತ್ರದಂತೆ ಅಣ್ಣನಾ ವಾತ್ಸಲ್ಯ ನೆನೆದು ಹನಿಗೂಡಿಹುದು ಕಣ್ಣು ಕೈಬೀಸಿ ಕರೆಯುತಿದೆ ತವರ ಮಮತೆ ಹೋಗಿ ಬರಲೇನು ನಲ್ಲ ತವರು ಮನೆಗೆ ನಿಮ್ಮ ಪ್ರೀತಿಯಲೇನು ಹುಳುಕು ಕಾಣುತ್ತಿಲ್ಲ ಸ್ವರ್ಗವಿಹುದು ನಿಮ್ಮ ತೋಳಿನೊಳಗೆ ತವರ ಮರೆಸುವ ಪ್ರೀತಿ ನೀಡಿದರೂ  ನಲ್ಲ ಮರೆಯಲಾರೆನಾ ತವರ ಸೆಳೆತ ಪ್ರತಿಯುಸಿರಿನಲ್ಲೂ  ನೆನೆಯುವಳು ನನ್ನಮ್ಮ ತುತ್ತಿ ಗೊಂದಿಷ್ಟು ನಲ್ಲ ನನ್ನ ಮಾತೇ ಮರೆಯಲಾಗುತ್ತಿಲ್ಲ ಹೋಗಿ ಬರಲೇನು ತವರುಮನೆಗೆ ಇಲ್ಲಿ ಕೊರತೆ ಇಹುದೇನೆಂದು ಕೇಳದಿರಿ ನಿಮ್ಮ ಮಡಿಲಲ್ಲಿ ನಾನು ಚಿಕ್ಕ ಮಗುವೇ ತವರಿನಲ್ಲಿದ್ದಂತೆ ಸ್ವತಂತ್ರ ವಿಹುದಿಲ್ಲಿ ನಿಮ್ಮಆಶ್ರಯದಲ್ಲಿ ನಾನು ಪರಮ ಸುಖಿಯು ತಾಯಿ ಪ್ರೀತಿಯೇ ಬೇರೆ ತಂದೆ ಮಮತೆಯೇ ಬೇರೆ ಅಳೇಯಲಾಗದು ಅದನು ತೂಕ ಮಾಡಿ ಹೋಗೊಮ್ಮೆ ಬರಲೇನು ತಾಳಲಾರದು ಮನವು ಕಟ್ಟಿ ಎಳೆಯುತ್ತಿದೆ ತಾಯ ಕರುಳಬಳ್ಳಿ.          ಶೈಲೂ......
Read more

330 ನಾ ಕಂಡ ಕನಸು

#ನಾನು_ಕಂಡ_ಕನಸು ಕನಸುಗಳ ಕಂಡಿದ್ದೆ ನೂರಾರು ಅಡೆತಡೆಗಳಿದ್ದವು ಹಲವಾರು ನನಸಾಗಿಸುವ ಮಾರ್ಗವರಿಯದೆ ಹರಿದು ಕಡಲಾಗಿತ್ತು ಕಣ್ಣೀರು ಏನೆಲ್ಲ ಪ್ರಯತ್ನಗಳತ್ತ ನಡೆ ಯಾವುದಕ್ಕೂ ಜಗ್ಗದ ಅಡೆತಡೆ ಹಣೆಬರಹದಲ್ಲಿದೆಯೋ ಇಲ್ಲವೋ ಎಂಬ ನೋವೇ ತಂದಿತ್ತು ಭಿಡೆ ಬಂದನೊಬ್ಬ ಅದೃಷ್ಟವಂತ ಬಾಳಿಗೆ ಬದುಕುವ ಭರವಸೆಯಿತ್ತ ನಾಳೆಗೆ ನನ್ನೆಲ್ಲ ಕನಸ ನನಸಾಗಿಸುವತ್ತ ಜೀವ ಸವೆಸಿ ಉಸಿರಿತ್ತ ಬದುಕಿಗೆ ಅಧ್ಯಯನದಿ ಕಂಡಿದ್ದ ಕನಸು ನನಸಾಯ್ತು ಬರವಣಿಗೆಯೇ ಬದುಕ ಬಗೆಯಾಯ್ತು ಸಹೃದಯಿ ಪತಿ ನೀಡಿದ ನೆರವಿಗೆ ನನ್ನ ಬದುಕೇ ಬಂಗಾರವಾಯ್ತು😊 ಡಾ: B.N.ಶೈಲಜಾ ರಮೇಶ್
Read more

219 ಕದನ

Image
ಕದನ ***** ಬದುಕೊಂದು ನಿರಂತರ ನಿಲ್ಲದ ಬಗೆಹರಿಯದ ಕದನ ಉಗ್ರ ಹೋರಾಟ ಕಾದಾಟ ಸಿದ್ಧರಿರಬೇಕು ಎದುರಿಸಲು ಜತನ ಮುಗಿಯಿತೊಂದೆನ್ನುವಷ್ಟರಲ್ಲೇ ಮತ್ತೊಂದು ಯುದ್ಧಸನ್ನದ್ಧ ಯುದ್ಧವೋ ವಾಗ್ಯುದ್ಧವೋ ಸೆಣೆಸಲಿರಬೇಕು ಸದಾ ಸಿದ್ಧ ಮೊಳಗುತ್ತಿದೆ ರಣಭೇರಿ ಸೆಣೆಸಲು ಕಾಲನೊಡನೆ ಮೊಳಗಿಸಲೇಬೇಕು ಜಯಭೇರಿ ನಿಲ್ಲದ ನೋವುಬಾವುಗಳೊಡನೆ ಝಲಪಿಸುತ್ತಿದೆ ಸಾವಿರ ಸಾವಿರ ಸಮಸ್ಯೆಗಳ ತೀಕ್ಷ್ಣ   ಶಸ್ತ್ರಾಸ್ತ್ರ ಯುಕ್ತಿಯಿoದೆದುರಿಸಿ ನಿವಾರಿಸಲು ಬಳಸಬೇಕು ಬಗೆಬಗೆಯ ದಿವ್ಯಾಸ್ತ್ರ ಗೆದ್ದೇವೆಂದು ಬೀಗುವಷ್ಟರಲ್ಲಿಯೇ ಎಲ್ಲಿಂದಲೋ ಆವರಿಸಿ ಸೋಲಿನ ಕರಿನೆರಳು ಕಬಳಿಸುವುದು ಆತ್ಮವಿಶ್ವಾಸ ಹತಾಶೆಯಲಿ ಬುದ್ಧಿ ಅರಳು ಮರುಳು ಸಹಿಸಬೇಕು ಎಲ್ಲ ಕೋಪತಾಪಗಳ ಪ್ರಕ್ಷುಬ್ಧ ಮನದ ಕೋಲಾಹಲಗಳ ಸನ್ನದ್ಧವಾಗಿರಬೇಕು ಧರಿಸಿ ಶಸ್ತ್ರಾಸ್ತ್ರ ಸಹನೆ  ಸಹಿಷ್ಣುತೆ ಯ ಬ್ರಹ್ಮಾಸ್ತ್ರ ದೇಹದ ರಥದಲ್ಲಿ ವಿರಾಜಿಸುತಿಹ ಆ ದೇವನೆಂಬ ಅಂತರಾತ್ಮ ಒಳದನಿಯಲೇ ಬೋಧಿಸುತಿಹ ಭಗವದ್ಗೀತೆಯ ಆ ಪರಮಾತ್ಮ ಮನ್ನಿಸಬೇಕು ಅಂತರಾತ್ಮನ ಉದ್ಧರಿಸುವ ಕೊರಳದನಿಗೆ ಬೇಡ ನಿರ್ಲಕ್ಷ್ಯ...ಅನುಸರಿಸು ಅದೇ ಬದುಕು ಬೆಳಗುವ ದೀವಿಗೆ ಮರೆತೆಯಾದರೆ ಒಡಲ ಮಾರ್ದನಿ ಕವಿದೀತು ಕತ್ತಲೆ ಸತ್ಯ ಕಾಣದಂತೆ ಬದುಕ ಬಂಡಿಯ ಸೂತ್ರವವನ ಕೈಲಿ ಸೋಲಿಲ್ಲ ಶರಣಾಗತಿಯ ಭಾವವಿದ್ದರೆ             ಶೈಲೂ.....
Read more