160 ಶ್ರೀಶಾರದಾದೇವಿ

ಶ್ರೀ  ಶಾರದಾ ಮಾತೆ

******************

ಕರುಣೆಯೇ ಮೂರ್ತ ವೆತ್ತ ಸ್ವರೂಪ

ಅದು ತಾಯೇ ನಿನ್ನದೇ ರೂಪ

ಡಕಾಯಿತನಲ್ಲೂ  ನೀ ಹರಿಸಿದೆ ಪ್ರೀತಿ

ಅದು ನಿಜದೇ ತಾಯಿ ನೀಡುವಾ ರೀತಿ

ನೀ ಕಾಳಿ ನೀ ಲಕ್ಮಿ  ನೀ  ಬಿಜ್ಜೆಯಂತೆ

ಸರಿಸುತ್ತ ದೈವತ್ವ ನೀ  ಬಾಳ್ದೆ ಸಾಮಾನ್ಯಳಂತೆ

ಶ್ರೀ ರಾಮಕೃಷ್ಣ ರ ತಪಸ್ಸಿನ ಫಲವೋ

ಕರುಣಾರೂಪಿಣಿ  ನೀನಾದೆ  ಅಮೃತಫಲವೂ

ಜಗಜ್ಜನನಿ ನೀ  ತ್ರೈಲೋಕ ಪಾಲಿನಿ

ಸನ್ಮತಿದಾಯಿನಿ  ನೀ  ಚಿರಸುಖ ದಾಯಿನಿ

ತ್ಯಾಗವಿಭೂಷತೆ  ನೀ  ಜ್ಞಾನದಾತೆ

ಸರ್ವರಿಂದರ್ಚಿಸೋ ನೀ  ಯೋಗವಿದಾತೆ

ದೀನರ ಈ  ಆರ್ತ ಮೊರೆಯನು ಕೇಳಿ

ಬಂದೆಯಾ ಮಾತೇ ಶ್ರೀ ಶಾರದಾ ರೂಪ ತಾಳಿ

ಸಂಕಗಳನೇ ಹೊತ್ತ ನೀ  ಅಗ್ನಿಪರ್ವತ

ಕಳೆಯುವೆ ಕೊಳೆಯ ಕರೆದರೆ ತಾಯಿಯೆ ನುತ

ಆಕಾಶದಂತೆ  ನೀ ಗಾಂಭೀರ್ಯವಂತೆ

ಆವರಿಸಿತ್ತೇಕೆ ಮನದಿ ನೂರಾರು ಚಿಂತೆ

ದೀನೋದ್ಧಾರಕೆಂದೇ ನೀ  ದೀನರೂಪದಿ  ಬಂದೆ

ಅಭಯ ನೀಡು ತಾಯೇ  ನಾ  ಅಮ್ಮಾ  ಎಂದೆ

ಕೊನೆಯಿಲ್ಲದ ದುಃಖದಿಂದೆನ್ನ ಉದ್ಧರಿಸು

ಮನದ  ದೇಗುಲದಲ್ಲಿ ತಾಯೇ ನೀ  ಬಂದು ನೆಲೆಸು

             ಶೈಲೂ.......