ಬೇಡಿಕೆ

ಸಹೃದಯಜೀವ, ಕೃಷ್ಣಭಕ್ತೆ,  ವಾಣಿ T. K ಮೇಡಂ ರವರ ಕವನದಿಂದ ಪ್ರೇರಿತ
ಧನ್ಯವಾದಗಳು ಮೇಡಂ🙏🙏

ಬೇಡಿಕೆ
******
ಕಂದ ನೀನೆಂದು
ಮುದ್ದಾಡಿದಾಕ್ಷಣ
ಪುಟ್ಟ ಹೆಜ್ಜೆಯನಿಟ್ಟು
ಮುದ್ದುಗರೆವುತ ಬಂದು
ಮಡಿಲ ತುಂಬಿದ 
ಹಸುಮಗುವು ನೀನು

ಓರಗೆಯ ಗೆಳೆಯನೆಂದು
ಕೂಡಾಡಿ ನಲಿದೊಡೆ
ಅತೀವ ಆನಂದದ
ಕಡಲಲ್ಲಿ ಮುಳುಗಿಸಿ
ಅಮಿತೋತ್ಸಾಹ
ಬಾಳಲ್ಲಿ ತಂದವನು ನೀನು

ಬಂಧುವೆನ್ನುತ 
ನಿನ್ನ ಭಾವದಿಂ
ಅಪ್ಪಿದೊಡೆ, ಸಕಲ
ದುಗುಡದುಃಖ ಸರಿಸಿ
ಸುಖದ ನೆಲೆಯಲಿ
ತೇಲಾಡಿಸಿದವ ನೀನು

ಸಖ ನೀನೆಂದು
ಸಕಲವ ನಿನ್ನ
ಹೃದಯಪದ್ಮದೊಲಿರಿಸೆ
ಬಿಗಿದಪ್ಪಿ ಸಂತೈಸಿ
ಪ್ರೇಮಾಮೃತವ
ಧಾರೆಯೆರೆದವನು ನೀನು

ದೇವರದೇವ ನೀನೆಂದು
ಭಾವ ಭಕ್ತಿಯಲಿ ಮಿಂದು
ಅನವರತ ನಿನ್ನನ್ನೇ
ಆಸ್ಥೆಯಲಿ ಸ್ತುತಿಸುತ್ತ
ಶರಣಾಗತಳಾಗೆ
ಉದ್ಧರಿಸಿದವ ನೀನು

ಬೇಡದೆ ಎಲ್ಲವನಿತ್ತೆ
ಸಿರಿ ಸಂಪದವನಿತ್ತೆ
ನಿನ್ನ ಕರುಣೆಯ ಕೃಪೆಗೆ
ಪಾತ್ರಳಾದೇನು ತಂದೆ
ಕೊರಗೊಂದುಳಿದಿಹುದು
ಜ್ಞಾನ ಭಕ್ತಿ ವಿವೇಕ 
ವೈರಾಗ್ಯನೀಡೆನಗೆ ತಂದೆ

            ಶೈಲೂ......

Comments

Post a Comment

Popular posts from this blog

341, ಜಾನಪದ ಶೈಲಿ ಕವನ

Image
#ಜಾನಪದ_ಶೈಲಿ_ಕವನ #ಶೀರ್ಷಿಕೆ #ಹಳ್ಳಿಯಲ್ಲಿ_ಅರಳಿದ_ಮಲ್ಲೇ ಏನ್ ಚಂದ ಕಾಣ್ತೀ ಹುಸಿ ನಗೆಯ ಗರತಿ ಅಂದಾಕೆ ಒಡತಿಯೇ ನೀನು|| ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ಹುಬ್ಬು ಕಾಮನಬಿಲ್ಲು ಲಜ್ಜೆಯಾ ಕಣ್ಣುಗಳು ಚಂಚಲ ನೋಟವಿಲ್ಲ||ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ನಾಗರ ಜಡೆಯನ್ನ ಎತ್ಕಟ್ಟಿ ತುರುಬನ್ನ ಘಮ್ಮೆನ್ನೋ ಮಲ್ಲಿಗಿ ಮುಡಿದು||ಓ ಹೆಣ್ಣೇ| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದುಂಡಾದ ಮುಖದಲ್ಲಿ ಸೇಬಂತಾ ಕದಪಲ್ಲಿ ನಾಚಿಕೆ ಹರಡೈತೆ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ.. ದೇವತೆ ಕಳೆ ಐತಿ ಮುಗೀಬೇಕು ಕೈಯೆತ್ತಿ ನೀಯಾರ ಮನೆಯ ದೀಪ || ಓ ಹೆಣ್ಣೇ|| ನೀ ಹಳ್ಯಾಗೆ ಅರಳಿದ ಮಲ್ಲೇ..      ಶೈಲಜಾ ರಮೇಶ್
Read more

278 ನಮೋ_ಸಂತ_ಯಮನೂರೇಶ

Image
#ಚಿತ್ರಕಾವ್ಯ_ಅಭಿಯಾನ_೩೦ #ನಮೋ_ಸಂತ_ಯಮನೂರೇಶ ಪುರದಾಳದಲುದ್ಭವಿಸಿದ ಪುಣ್ಯಪುರುಷ ಅಪಾರ ಭಕ್ತವೃಂದವ ಗೆದ್ದ ಹೃದಯೇಶ ಸಾವಿರದ ತತ್ವ ಪದಗಳ ಮಹಾಜನಕ ಈತನದು ನಿಜನಾಮ ಯಮನೂರೇಶ.!! ಆಧುನಿಕ ತತ್ವ ಪದಗಳ ಹರಿಕಾರ ಸಾವಿರದ ಹಾಡುಗಳ ಸಂತ ಸರದಾರ ಅದ್ವೈತ ಭಾರ್ಗವನೀತ ಸಾರ್ಥಕ ಜೀವ ಈತನೇ ಯಮನೂರೇಶ ಬಿರಾದಾರ ಟೀಕಾತಾತ್ಪರ್ಯ ರಚಿತ ಟೀಕಾಚಾರ್ಯ ಬರೆದನೆಷ್ಟೋ ಮಹಿಮರ ಜೀವನ ಚಾರಿತ್ರ್ಯ ಅಂಕಿತ ನಾಮವದು ಭೀಮಾಶಂಕರ ಯಮನೂರೇಶ ಶರಣ ಸಂತತಿಯ ಪಾವಿತ್ರ್ಯ ತಿದ್ದಿದರು ತತ್ವಪದದಲೇ ಜಗವ ಸಾಹಿತ್ಯ ಕ್ಷೇತ್ರದಲ್ಲಿ ಕಾಣುತ ಭವವ ಗುರುಗೀತಾಮೃತದಲಿಟ್ಟು ಜೀವನಸಾರ ಭವ್ಯ ಗೊಳಿಸಿದರೆಲ್ಲ ಶರಣರ ಭಾವ ದೇಸಿಮಾತಿನ ಧಾಟಿಯಲೇ ಪದ ಭಂಡಾರ ಕಲಿಸುತೆಲ್ಲರಿಗೆ ತಾನೂ ಕಲಿತ ಗುರುವರ್ಯ ಪದಗಟ್ಟಿನಲೇ ಅಧ್ಯಾತ್ಮ ಬೆರೆಸಿ ರಚಿಸಿದ ಅಗಣಿತ ಸಂತಶರಣ ಮನದ ತಾತ್ಪರ್ಯ ಅಸ್ತಮವಾದರು ಪುರದಾಳದ ರವಿ ಕಣ್ಣೀರಿಟ್ಟಿಹಳು ಅಗಲಿಕೆಗೆ ಭುವಿ ಶಿವನಡಿಯಲಿ ಲೀನವಾದ ಶಿವಾಚಾರ್ಯ ಮತ್ತೊಮ್ಮೆ ಉದ್ಭವಿಸಿ ಬನ್ನಿ ಸಂತ ಕವಿ       ಡಾ: B.N.ಶೈಲಜಾ ರಮೇಶ್
Read more

ಕವನ ಸಂಗ್ರಹ

[22/4/2019, 5:50 pm] Dr. B. N. Shylaja Ramesh: ಹಾರೈಕೆ... ಅರಿಕೆ *************** ಕೋರುವೇ ಶುಭಹಾರೈಕೆ ಹೊಸಬಾಳಿಗಡಿಯಿಟ್ಟ ದಿನಕೆ ನಲಿವು ಗೆಲುವಲಿ ಜೊತೆಯಾದ ನವ ಬಾಂಧವ್ಯ ಬೆಸೆದ ಕ್ಷಣಕೆ ಒಲಿದ ಮನವೆರಡು ಕಲೆತು ಸಂಸಾರ ನೊಗವ ಹೊತ್ತು ಬಾಳ ಹಾದಿಯ ಪಯಣ ಜೊತೆಗೂಡಿ ನಡೆದ ದಿನಕೆ ಸರಸವಿರಸಗಳನು ಗೆದ್ದು ನವಿರಾದ ಪ್ರೀತಿಯ ಹೊದ್ದು ಬಾಳ ನೌಕೆಯ ಪಯಣ ನಲಿದು ಸಾಗುವ.ದಿನಕೆ ಶೈಲೂವಿನ ಬಯಕೆಯಿದು ನಲ್ಮೆಯ ಹಾರೈಕೆಯಿದು ದುಃಖ ದುಮ್ಮಾನಗಳ ಮರೆತು ತುಂಬಿ ಬರಲಿ ಹೊಸತು ಸಂಭ್ರಮದ ದಿನವಿಂದು ದುಪ್ಪಟ್ಟಾಗಲಿ ಹರುಷ ಸವಿಯಬೇಕು ಪ್ರೀತಿ ಜೇನು ಅನಂತವಾಗಲಿ ರಸನಿಮಿಷ           ಶೈಲೂ..... [22/4/2019, 6:36 pm] Dr. B. N. Shylaja Ramesh: ಪ್ರೇಮ ಸಂಭಾಷಣೆ **************** ಎನಿತು ಚಂದವೇ ಸಖಿ ಮುಗ್ಧಸ್ನಿಗ್ದ ಸೌಂದರ್ಯ ನಕ್ಕರೂ ಕಾಣದಂತ ಮುಗುಳುನಗೆಯ ಮಾಧುರ್ಯ ಹೊಗಳಿದ್ದು ಸಾಕು ಕೃಷ್ಣ ನೀನೇ ಸೌಂದರ್ಯದ ಗಣಿ ನಿನ್ನ ಕಣ್ಣ ಕಾಂತಿಯಲ್ಲೇ ಅಡಗಿಹನು ದಿನಮಣಿ ಇಲ್ಲ ರಾದೇ ನೀನೇ ಚಂದ ಕದಪುಗಳಲಿ ಇಹ ಚಂದಿರ ಅರ್ಧ ತೆರೆದ ನಯನದಲೇ ಇಹುದು ತಾರಾ ಮಂದಿರ ಬಾಯಲ್ಲೇ ಅಡಗಿಸಿರುವೆ  ಚತುರ್ದಶ ಭುವನಲೋಕ ಅರಿಯಲಿ ಹೇಗೇಳು ನಿನ್ನ ಕೃಷ್ಣ ನಾನಾದೆ ಮೂಕ ಬಿಡು ಬಿಡು ಅದೆಲ್ಲ ಸಖಿ ಅರಿಯಲಾಗದ ನಿಗೂಢ ನಿನ್ನ ಸೌಂದರ್ಯ ಸೆಳೆತಕೆ ವಶವಾಗಿ ನಾ ಧಿಗ್ಮೂಢ ತುಂಟತನದ ನೋಟದಲ್ಲೇ ಸೆಳೆದು ಬಿಟ್ಟೆ ಮನಸ್ಸಸನ್ನ ಹೇಳಲೇನಿದೆ ...
Read more